Ndotja e bregdetit, Mediu: Ndërhyrje e shpejtë

Ndotja e bregdetit, pikërisht këtë prag sezoni turistik duket alarmante. “Shqipëria tjetër”, rubrika e Top Channel tregoi se si një pjesë e madhe e vijës bregdetare është e ndotur nga mbetjet urbane dhe inerte, cka ka shqetësuar strukturat e Ministrisë së Mjedisit.

Ministri i Mjedisit Fatmir Mediu tregon se do te ngrihet nje grup nderministror, i cili do te merret jo vetem me percaktimin e zonave te ndotura por edhe me pastrimin e tyre.

“Kemi ngritur një komitet ndërministror. Ministria e Mjedisit do të bëjë një përcaktim të qartë të vijës së ndotur dhe do të përpiqemi të japim kontributet tona përpara sezonit veror”, u shpreh Mediu.

Ministri ka theksuar se eshte shume i rendesishem bashkepunimi mes te gjitha strukturave te pushtetit vendor qe e ka detyre primare pastrimin dhe me pas atij qendror, por edhe ndergjegjesimi i qytetareve dhe i vendimarresve.

“Përvec vullnetit të qeverisë për të vepruar sa më shpejt, duhen marrë masa me penalitete ndaj cdo lloj subjekti. Krahas tyre duhet rritur koshienca qytetare, si dhe përpjekja më e madhe e të zgjedhurve vendorë”, u shpreh Mediu.

Ministria ka pergatitur nje draft mbi strategjine kombetare te menaxhimit te mbetjeve urbane, permes se cilit synohet jo vetem mbledhja, grumbullimi dhe perpunimi, por edhe stimulimi i bizneseve qe permes riciklimit te mbetjeve mund te perftojne energji apo produkte te tjera.

Mediu shprehet se se shpejti pritet te kemi nje ligj per kufizim te prodhimit te ambalazheve plastike te cilat do te zevendesohen me materiale letre apo qelqi.