Greqi, grevë e punonjësve publikë

Punëtorët grekë do të jenë sërish në grevë më 22 prill kundër planit të kursimit të qeverisë.

Lajmin e kanë bërë të ditur përfaqësues të punonjësve publikë të Adedy.

Protesta do t’i bashkohet asaj të sindikatës komuniste Pame që ka mbledhur një grevë të përgjithshme 48 orëshe më 21 dhe 22 prill.

Pritet tani vendimi i sindikatës tjetër, Gsee, të sektorit privat që mund ta transformojë protestën në një tjetër grevë të përgjithshme pas asaj të 11 marsit.