Frattini: Vizat, vendimi në qershor

Ministri i Jashtëm Italian, Franco Frattini deklaroi në Tiranë se ai beson që vendimi për heqjen e vizave për shqiptarët do të merret në muajin qershor dhe në vjeshtë do të hyjë në fuqi.(UPDATE)

Por ai deklaroi se politika shqiptare duhet t’i jape Europës sinjale te qarta tashmë të pjekurisë së saj, duke i dhënë fund krizes, pasi kjo mund të ndikojë tek vendet që janë ende të lëkundura për liberalizimin e vizave për shqiptarët.

Pjesë nga fjala e Frattini-t në konferencën për shtyp me homologun Meta

“Perspektiva e vetme është vetëm ajo europiane. Nuk mund të konsiderohet ky rajon si paketë, por secili vend duhet të vlerësohet nga rezultatet dhe meritat.

Shqiperia ka bërë progres shumë te madh. Italia do të luftoje shume me Europën, derisa procedura për statusin e vendit kandidat të merret deri në fund të këtij viti.

Ne jemi te bindur se do të duhet nje angazhim shume i madh nga autoritetet shqiptare, por një mesazh europian, nuk duhet të mungojë, nëse kjo përpjekje nga ana e Shqipërisë nuk do të mungojë dhe unë besoj se kështu do të ndodhë. Një perspektivë më e afërt në afate kohore është eshte ajo e liberalizimit të vizave. Komisioni ka ekzaminuar progresin e bërë nga Shqipëria për të gjitha kushtet e vëna, dhe besoj se zyrtarët kompetente në Komisioni Europian, do te mund të verifikojne se ato kushte janë përmbushur në menyre pozitive.
Objektivi ynë politik është të marrim një propozim pozitiv nga Komisioni Europian përpara fundit të majit. Faza e dytë është shpallja e liberalizimit të vizave për Shqipërinë dhe Bosnjën në samitin e Sarajevës me 2 qershor.

Këshilli i Ministrave të Jashtëm do te mundet të marrë një vendim formal përpara pushimeve të verës, në menyrë qe qytetareve shqiptare dhe atyre boshnjake t’u lejohet të realizojnë udhëtimin e parë pa viza në vjeshten e ketij viti. Keto janë objektiva të arritshme. Do të duhet një vullnet i fortë nga ana e Komisionit Europian dhe vendeve anëtare dhe Italia do të jetë në avangardë të këtij procesi.

Zgjedhjet në Shqipëri ishin të monitoruar nga OSBE-ja dhe zgjedhjet u vleresuan si absolutisht të rregullta. Besoj se të gjitha forcat politike duhet të kuptojnë se Shqipëria është një hap larg integrimit të saj. Duhet të kuptojnë se mbi të gjitha forcat politike rëndon gjithashtu një mundësi e madhe dhe një përgjegjësi e madhe. Mundësia e madhe eshte se duhet tëe bashkëpunojnë per integrimin e vendit. Pergjgjesia e madhe eshte prezantimi me konflikte, qe mund ta largoje Shqiperine nga Europa.

Italia do te punoje per rezultate pozitive për liberalizimin e vizave me Shqiperine, ashtu edhe per statusin e vendit kandidat. Por kjo përgjegjësi e madhe, perkrah kesaj mundesie te madhe, per fat te keq, vazhdon te ekzistoje, pavaresisht punës se Italise. Miqte e Shqipërisë do te jene te rendesishem, por do te jete sistemi politik shqiptar i cili duhet t’i jape përgjigjet e duhura Europës. Prandaj te gjitha forcat politike duhet te punojne se bahsku ne parlament per integrimin europian te vendit.”