Yahoo shpalos fazën e re reklamuese

_building_199760775.jpg&size=article_medium" alt="" />
Yahoo do të shpenzojë deri në 85 milion dollarë në fazën e dytë të fushatës së saj reklamuese në vlerë prej 100 milion dollarësh, pasi që portali i internetit po tenton të nxis rritjen e saj dhe të rilidhet me konsumatorët.
Fushata do të fokusohet më shumë në harkun e ueb faqeve online të përkushtuara ndaj sporteve fantastike dhe lajmeve. Gjithashtu do të tentohet që të ngacmohet edhe gjiganti kërkues Google në një video online.

Qysh prej se shpenzimi 100 milion dollarësh i Yahoo filloi në shtator, kjo kompani ka parë një rënie prej 2.5 për qind të vizitorëve unik në faqet e ndryshme të saja në 155.6 milion vizitorë gjatë prillit dhe shikimet totale të faqeve në pronat e saja kanë rënë 11.4 për qind, thuhet në një raport nga comScore.

Google, Microsoft dhe Facebook kanë postuar që të gjitha një rritje të vizitorëve dhe shikuesve amerikan gjatë të njëjtë periudhë, thuhet në raport.

Në mars, shefi ekzekutiv i Yahoo-së, Carol Bertz u tha reporterëve se fushata reklamuese, që ka shpenzuar mes 15 dhe 25 milion dollarë për fazën e parë, është vërtetuar mjaft e suksesshme në shumë tregje përtej oqeanit atlantik, por nuk ka kryer punë si duhet në SHBA.

Yahoo ka punuar me reklamuese Ogilvy & Mather në fazën e parë, dhe ka kontraktuar Goodby Silverstein & Partners për të udhëhequr fazën e re.

Një video në blogun e korporatës së Yahoo-së që shpalos fushatën e re reklamuese fillon me një imazh të një faqeje të bardhë dhe me një kuti të thatë në mes të saj që duket se i ngjason shumë faqes reklamuese të Google. Një zë thotë: “Ju keni ardhur në këtë vend në mënyrë që të largoheni”.