Shqipëri, 19 vjeçari vret aksidentalisht shokun

Një ngjarje e rëndë ka ndodhur të shtunën në Kodër Kamëz, ku një 18- vjeçar ka mbetur i vdekur teksa është qëlluar me automatik në mënyrë të pavullnetshme nga shoku i tij.
Mësohet se katër të rinj po fotografonin njëri tjetrin me armë në një banesë, kur një plumb i ka marrë jetën 18-vjeçarit, Bledar Lusha.

Policia ka mbërritur menjëherë në vendngjarje, ndërsa bën të ditur se gjithçka ka ndodhur nga pakujdesia e të rinjve.

Ndërkaq policia ka lëshuar një urdhër arresti për 19-vjeçarin Mersin Gjoka, i cili ka pasur në dorë automatikun në momentin e shkrepjes. I shoqëruar në polici është edhe poseduesi i armës G.GJ, i cili është pronar i banesës ku të rinjtë ishin duke luajtur me kallashnikovin.