FADIL SHYTI

MOS HEZITONI!


Është trimëri të hidheni nga shkëmbinjt,

Në lartësi, mbi ujëvarat -për freski...

E dëshironi freskinë, -por shqetësoheni

Nga shkëmbinjtë e rrëpinjtë!...

Ju tërheqin thellësia dhe bardhësia,

Qumështore, mëngjesore!...

Ato bukuri -madhështore...

Mos u trembni nga bllokadat,

Mos hezitoni, -hidhuni prore!

Mos kujtoni se, -kjo është fatalitet,

O, kjo është pavdekësi!

Për Fitoret, në jetë!...

Prandaj, sfidoni bllokadat!

Sepse, rrezoret e lirisë,

Janë më të mprehta,

Dhe, do t´i shkrijnë -shpatat!...


Suedi, 11. Mars 2010


VITE FATKEQE!

(Katrahurat shqipfolëse,1991-2010)


Vite, rrëmujë,

Vite, shkujë,

Vite, errësi,

Nën gishtin e huaj,

Kinse, kemi -demokraci!

Që kur shqiptarë-shkijet,

E devijuan, e tradhtuan,

E rrëzuan e shanë;

Figurën e ndritur,

Të -Enver Shqiptarit,

Lumenjtë janë revoltuar,

Tej, tej mase... e, më tej ...

-nuk po i durojnë!

Kodrat, janë acaruar,

E, nën këmbë,

Po ua tundin dheun...

Po duan të hakmerren,

Po rrëshqasin!...

E, shqiptarë-zinjtë!

Jetën me dhëmbë,

Mezi po e ngasin!...

Toka s´po i mbanë,

Deti, gjëmoi, rënkoi...

Peshkaqenët, po i hanë!

Nga poshtërsitë e tyre,

Se, këtë -jetë-shkretë,

E kthyen në lavire!


Suedi, 9 Maj 2010


PISHTAR NË BETEJA

(Kushtuar të pathyeshmit atdhetar, Rexhep Hoxhës)


Andej nga Çabrati, gjakovar,

Bishat serbe bënin kërdinë,

Toka lindi burra, diellor...

Që dinin -të përballojnë stuhinë!


Nuk përkulen përballë stuhive,

Palët valmire, të Flamurit,

Nuk përkulet, kurrën e kurrës,

Përballë tradhtive, -burri i burrit!


Kosova po rënkonte, -nga ndarje e kombit,

Një burrë plagët ia shëronte,

Me penë, besë e shpresë...

Me guximin e Gjergj Kastriotit!


Jetën e kaloi në përballje,

Për art, kulturë -dhe etikë:

Nuk lejoi devijime, -tallje,

Për nderin e kombit, -nuk lejoi prikë!


...Për diellin, që na e dha natyra,

E, që po rrezitë mbi dhe,

Kujdes, vëllezër e motra,

Se, na ikën fytyra...


Po, nuk qëndruam për Atdhe!


Të veprojmë si viganët,

Për trojet tona etnike,

Nuk bëhet dot, Shqipëria-Shqipëri,

Pa vepra heroike!


Kështu, ligjëroi profesori ynë,

Kështu shkroi shkrimtari,

Pa e ribashkuar Shqipërinë Etnike,

Diellin s´do ta gëzoj kurrë -shqiptari!


E mbrojti diturinë dhe nderin,

Përballë rrebesheve të kohës,

Që na i sollën titistët kanibalë,

Besën e kishte -busullën e ndritur,


Hapëronte, sfidonte për një Ideal!


Nuk përkulen përballë stuhive,

Palët valmire të Flamurit,

Nuk përkulet kurrën e kurrës,

Përballë tradhtive; -burri i burrit!


Suedi, 22. 04. 2010