Konflikti për tokën qëlluan njëri-tjetrin vdesin vëllezërit

Konflikti për tokën qëlluan njëri-tjetrin vdesin vëllezërit

Konflikti për një sipërfaqe toke është kthyer në krim brenda familjes Cela në fshatin Domen të komunës Postribë në Shkodër. Pas një sherri për tokën dy vëllezërit Isa dhe Hysen Cela kanë plagosur njëri-tjetrin. Pas shtrimit në spital të moshuarit nuk kanë mundur ti bëjnë ballë plagëve të marra, duke humbur edhe jetën.
Fillimisht ata kanë nisur të debatojnë ashpër me njëri-tjetrin paraditen e së hënës, debat që më pas ka degjeneruar në përdorimin e armës së zjarrit dhe mjeteve të forta. Në gjaknxehtësi e sipër 76-vjeçari Hysen Cela ka goditur me mjete të forta vëllanë më të madh, Isain duke i shkaktuar atij plagë të rënda në trup. Ndërkaq ky i fundit është hakmarrë duke e qëlluar me armë zjarri.
Menjëherë banorët e zonës të cilët ishin të pranishëm në vendngjarje kanë njoftuar forcat e policisë, ndërkohë që të lënduarit janë dërguar në spital, ku mësohet se në gjendje më të rëndë nga dy vëllezërit ishte 79-vjeçari, i cili është goditur me mjete të forta. Por në orët e vona të mbrëmjes së sotme është njoftuar edhe vdekja e tyre