Evropa veç e veç

First topic message reminder :

Andorra

Andorra ndodhet në pjesën jug-perëndimore të Evropës, në rrafshnaltën e Pirinejve, në mes të Spanjës dhe Francës. Më shumë se çereku i Andorrës gjendet jashtë malit.
Sipërfaqja e përgjithshme e Andorrës është 468 km2 dhe shtrihet rreth koordinatave gjeografike 42 30 V, 1 30 L. Andorra është një vend kontinental dhe nuk ka sipërfaqe ujore. Kufiri në perëndim me Francën është i gjatë rreth 56.6 km, ndërsa në jug me Spanjën 63.7 km që bëjnë që Andorra të ketë një kufi me gjatësi prej 120,3 km.
Klima është kontinentale, për shkakë të pozitës së saj në Andorrë është një klimë relativisht e freskët malore. Në janar temperatura bien deri në -7 °C ndërsa në verë rriten deri në 26 °C.
Relievi i Andorrës është malorë. Pika më e ultë është 840m në Riu Runer, ndërsa ajo më e larta në Coma Pedrosa arrin lartësinë deri në 2,946 metra mbi nivelin e detit.
Si pasurit natyrore të Andorrës dallohen, ujërat që burojnë në male me prurje ujore të lartë, uji i ftohtë mineral nga burimet natyrore, pylltaria - pyjet me druajnë të kualitetit të mirë, rezervat e hekurit si dhe lëkura e përfituar nga bagëtia e kullosave malore.

Suedia

Suedia ndodhet në pjesën veriore të Evropës, me dalje në detin Baltik, në mes të Finlandës dhe Norvegjisë. Sipërfaqja e përgjithshme e Suedisë është 449,964 km2, shtrihet rreth koordinatave gjeografike 62 00 V, 15 00 L dhe 410,934 km2 të kësaj sipërfaqeje janë tokë ndërsa 39,030 km2 ujë. Vija bregdetare e Suedisë është 46.6 km e gjatë ndërsa vija kufitare tokësore është 2,233 km që e ndajnë atë nga Finlanda (614 km) dhe Norvegjia.
Klima e Suedisë është e ndryshueshme, në pjesën jugore vera dhe dimri janë të ftohtë dhe të vranët, pjesa veriore është e ngrirë, ka një klimë polare.
Relievi i Suedisë është kryesish terren i rrafshët dhe më pak rrafshnalta e male të ulëta në perëndim Pika më e ultë e relievit gjendet nën nivelin e detit (-2.41 m) në gjirin e liqenit Hamarsjon afër qytetit Krisian-shtad dhe ajo më e lara në lartësi mbidetare prej 2,111 metrave në vendin e quajtur Kebnekajze.
Si pasurit natyrore të këtij vendi llogariten: hekuri, bakri, plumbi, zinku, ari, argjendi, uraniumi, pylltaria dhe prurja e ujit.

Shqipëria

Shqipëria ndodhet në pjesën juglindore të Evropës, në pjesën perëndimore të gadishullit Ballkanik e shtrihet midis koordinatave gjeografike 39 gradë e 38' dhe 42 gradë e 39' te gjërësisë veriore dhe 19 gradë e 16' te gjërësisë lindore, ne largësi pothuajse të barabartë nga Ekuadori dhe Poli i Veriut.
Sipërfaqja e përgjithshme është 28.748 kilometra katrore. Gjatësia e përgjithshme e vijës kufitare është 1094 km, nga te cilat 657 km - kufi tokësor, 316 km - kufi detar, 48 km - kufi lumor dhe 73 km - kufi liqenor. Në veri e verilindje ka 529 km vijë kufitare me Malin e Zi, Kosovën dhe Maqedonine, ndërsa në jug e juglindje me Greqine një vijë kufitare prej 271 km. Në perëndim Shqipëria laget nga deti Adriatik e në jug-perëndim nga deti Jon.
Relievi i Shqipërise është kryesisht malor. Lartësia mesatare e relievit është 708 metra, ose 2 herë më e lartë se mesatarja e Evropës. Lartësitë më të mëdha gjenden në Alpet shqiptare dhe në malet e Lindjes (Korabi 2751 metra mbi nivelin e detit.
Klima e Shqipërise ka ndryshime të mëdha nga një krahinë në tjetrën dhe kontraste të mëdha në temperature, reshje, ndricimin diellor, lagështiren e ajrit, etj.

Turqia

Turqia ndodhet në pjesën jug-lindore të Evropës dhe në pjesen perëndimore të Azisë.
Sipërfaqja : 780,580 km². Vija kufitare e Turqisë është 2,627 km. Turqia është një vend që shtihet në dy kontinente në atë evropian e aziatik. Është i rrethuar nga veriu me detin e Zi, nga jugu me detin Mesdhe dhe perëndim me detin Egje. Në veri-perëndim ndodhet deti Marmara. Territori aziatik i Turqisë kufizohet me Gjeorgjinë (252 km), Armenin (268 km) dhe Azerbajxhani (9 km) në veri-lindje; Irani (499 km) në lindje, Iraku (331 km) dhe Siria (822 km) në jug. Territori evropian kufizohet me Greqinë (206 km) e Bulgarinë (240 km).
Relievi : Në Turqi mbizotërojnë vargmale euro-aziatik që shtrihen nga lindja a perëndim: me malin Pontici dhe përfundon me malin Tauro. Maja më e larte është mali Ararat (5167 m). Mund të përmendim dhe malet Elmadag, Karabuk e Bozdaglar. Lumi më i rëndësishëm është Tigri e Eufrate, të cilëve i shtohet lumi Meriç, Ergene e Gediz.
Klima : Vendi ndahet ne tre zona klimaterike: territori ku ndikon Bregdeti Mesdhe dhe ka një klimë ku mbizotëron vera shume e nxehte dhe me dimër të ftohtë, territori ku ndikon mali Tauro, klima është më e lagësht, ndërsa në pjesën tjetër të vendit mbizotëron një klimë e nxehtë dhe e thatë.

Ukraina

Ukraina ndodhet në pjesën lindore të Evropës.

Zvicra

Zvicra ndodhet në pjesën qendrore të Evropës.