Shpërthimi i supernovës fatal për Tokën?

nga Alberti Sun 25 Jul 2010 - 23:19

Ylli i quajtur T Pyxidis brenda një kohe të shkurtër do të eksplodojë me fuqi prej 20 miliardë miliardë miliardë megatonësh TNT (10 në fuqinë 27 megatonë). Ndonëse ky yll është lag mbi 3 000 vjewt drite, që për përmasat e gjithësisë megjithatë nuk është ndonjë distancë e madhe, eksplodimi termonuklear do të mund të shkatërronte shtresën e ozonit, thonë ekspertët.
Astronomët nga universiteti Villanova në Philadelphia thonë se të dhënat nga sateliti International Ultraviolet Explorer tregojnë se ylli T Pyxidis përbëhet nga dy yje; njëri është yll që thihtë gazrat dhe rritet gjatë kësaj kohe derisa nuk e arrin masën kritike dhe shpërthen në copëza, me ç’rast bëhet i ndritshëm sa të gjitha e universit bashkërisht, shkruan ueb faqja e të përditshmes sllovene Delo.
Teleskopi hapësinor Hubble ka bërë fotografi të këtij ylli, i cili po përgatitet për një “shpërthim të madh” me shumë shpërthime tjera përcjellëse më të dobëta. Sipas ekspertëve amerikanë të shoqatës së astronomëve në Washington, shpërthimi i ardhshëm i dobët do të duhej të ndodhë pas 20 vjetësh.
“Ylli do të shndërrohet së shpejti në supernova, por kjo ‘së shpejti’ mbase është shumë larg, andaj nuk ia vlen të mërzitemi për këtë”, tha Robin Scagell, nënkryetare e shoqatës britanike për astronomi.