Jeremiq: Loja nuk mbaron me kaq

Serbia nuk do të ndryshojë qëndrim dhe nuk do ta njohë kurrë pavarësinë e njëanshme të Kosovës. Ka qenë ky reagimi i parë i ministrit të Jashtëm serb Vuk Jeremiq, pas vendimit të GJND-së, që hodhi në “knock down” Serbinë.

“Për Beogradin loja nuk ka mbaruar ende, pasi çështja është politike dhe tani fjala i kalon Asamblesë së Përgjithshme të OKB-së”, ka deklaruar Jeremiq.

Gjykata Ndërkombëtare e Drejtësisë vendosi sot me 10 vota pro dhe 4 kundër se shpallja e pavarësisë së Kosovës nuk shkel të drejtën ndërkombëtare.