Dëmtohet aksi Peshkopi-Tiranë

nga Vizitor Mon 3 Jan 2011 - 4:29

Aksi rrugor Peshkopi-Tiranë ka pësuar dëmtime të konsiderueshme në disa pjesë të tij për shkak të shembjeve dhe rrëshkitjeve në shtratin e rrugës.

Më e dëmtuar dhe me më shumë rrezik për automjetet është segmenti Klos-Shkopet ku janë regjistruar mbi 30 dëmtime të konsiderueshme.

Për shkak të shembjeve, kalimi bëhet me një sens drejtimi.

Problematike janë bërë edhe gurët e rënë në shtratin e rrugës.

Drejtuesit e drejtorisë rajonale të rrugëve në Qarkun Dibër shprehen se këto dëmtime do të riparohen prej tyre në ditët në vijim.

Megjithatë në shumë zona demet janë shumë më të mëdha dhe kërkohet një ndërhyrje me kapitale se sa një riparim i thjeshtë.

Ndërkohë në zonat e shembura janë vendosur gurë dhe sinjale për të lajmëruar drejtuesit e automjeteve për rreqizet që paraqet rruga.