Vetëvaret me zinxhir 12-vjeçarja!

TEPELENE - Rezultatet e dobëta në mësime gjatë semestrit të parë kanë çuar drejt vdekjes një vajzë 12-vjeçare nga Tepelena. Burime zyrtare nga drejtoria e policisë së qarkut të Gjirokastrës, bëjnë të ditur se ngjarja e rëndë ndodhi rreth orës 17:40 në fshatin Ivzor të komunës Luftinjë. Minorenia me inicialet E.SH., nxënëse në klasën e 6-të të shkollës 9-vjeçare "Xhevit Çela" u gjet e pajetë në kasollen e bagëtive. Sipas burimeve policore, viktima u gjet nga nëna e saj, e cila po e kërkonte që prej një ore. Kjo e fundit është tronditur, kur ka vënë re të bijën varur me zinxhirin që lidhnin lopën. Ndërsa, familjarët kanë nisur mortin, policia e sinjalizuar për ngjarjen ka mbërritur shpejt në fshatin Ivzor dhe kanë nisur hetimet. Burime pranë grupit hetimor pohojnë se pas kqyerjes së kufomës, nuk u gjetën shenja dhune apo dëmtime të tjera. Nga ekspertiza e bërë si dhe nga deklarimet e marra nga familjarët e 12-vjeçares, rezultoi se shkaku paraprak i vetëvarjes ishte ngarkesa psikologjike për shkak të rezultateve jo të mira të arritura në mësime gjatë simestrit të parë shkollor. Familjarët e viktimës deklaruan para bluve se nuk kanë asnjë pretendim dhe asnjë dyshim për shkakun e humbjes së jetës të vajzës së tyre.

uuuuuuuuuuuuuu sa me vjen keq per ket te ri

Sa Tragjike ... Amon Ne Lule te Rinis.

po shume tragjike se nuk munde te imagjinohet lot

Cfare e ben me shume shume tragjike kete ngjarje eshte se ajo e shkreta e ka vrare veten per rezultatet e mesimeve.......te pakte shume jane ata sot qe ju kushtojne kaq rendesi mesimeve......