Si e pushtoi Android botën

nga **Katniss** Sun 27 Feb 2011 - 9:10

S’ka kush që e ndalë Androidin më! Shihni se si është rritur numri i përdoruesve të Android në mbarë botë nga tetori 2008 deri në janar 2011.

Askush më nuk mund ta ngadalësojë rritjen e përshpejtuar të pjesëmarrjes së Android në mbarë botën. Çdo ditë në mbarë botën aktivizohen rreth 350.000 pajisje të cilat punojnë në këtë sistem operativ, e madje edhe adhuruesit e platformave tjera pranojnë se Android është gjithkah rreth nesh.

Ani pse sot mund të tingëllojë qesharake, fillimisht ka qenë vetëm një pajisje e cila ka punuar në Android – ajo HTC Dream (G1).

Inxhinierët të cilët punojnë në zhvillimin e kësaj platforme kanë krijuar një vizualizim të vogël i cili ilustron se me çfarë shpejtësie Android është shpërndarë nga paraqitja e HTC Dream, raportojnë mediet botërore.

Video materiali në vijim është një paraqitje grafike e aktivizimit të pajisjeve të cilat punojnë me Android nga viti 2008 deri më sot. /Telegrafi/