Japoni: Pas tërmetit, cunami me valë të larta 10 metra

Valët e cunamit, më të larta se 10 metra, e kanë goditur të premten bregun verilindor të Japonisë, pas tërmetit me intensitet 8.9 shkallë. Qendra e Paqësorit për alarm nga Cunami me seli në Havai, e ka lëshuar një alarm për cunami, për pjesën më të madhe të rajoneve bregdetare të Paqësorit.

Kryeministri i Japonisë, Naoto Kan, tha se tërmeti ka shkaktuar “dëm madhor”. Pamjet nga helikopteri tregojnë vërshimet në qytetet veriore të bregdetit, ku valët e cunamit kishin marrë çdo gjë me vete, njofton Rel.

Nga pasojat e tërmetit janë shkaktuar zjarre, përfshirë edhe atë në një rafineri të naftës në Tokio dhe në një uzinë metalike. Disa stacione atomike të rrymës janë shkyçur automatikisht, ndërsa zyrtarët thanë se nuk ka pasur rrjedhje radioaktive.

Raportohet se disa njerëz e kanë humbur jetën dhe shumë të tjerë janë plagosur, por mendohet se ky numër mund të rritet. Ushtria është dërguar në terren për t’i ndihmuar rajonet e goditura nga tërmeti. /Telegrafi/

U trishtovaa kur pash lajmet......per shume kohe sdo behem mire

e vetmja ndjenje qe kame ndier nga momenti qe pashe kete katastrofi

Mema natyre eshte ajo qe vepron.

Keto pamje s'kane fjale,edhe koment,sepse c'do gje te them eshte shume shume pak.

TRAGJEDI

E frikshme , lundronin makinat si shkrepse , mendo kur kjo ndodh ne nje shtet me potencial te madh , dhe kane mjete sinjalizuese per banoret dhe evakuoen shpejt.
Kam pershtypjen se gjithcka vjen nga ngrohja globale

Daku shkruajti:E frikshme , lundronin makinat si shkrepse , mendo kur kjo ndodh ne nje shtet me potencial te madh , dhe kane mjete sinjalizuese per banoret dhe evakuoen shpejt.
Kam pershtypjen se gjithcka vjen nga ngrohja globale

Daku.

NJERA nder te shumtat kjo qe thua,por fakti qe shkencetaret paralajmeruan qe fenomeni qe hena afrohet me shume se kurre me token me 19 mars parashikonte vullkane-termete-cunami,edhe me oren 12 te nates me sy te lire mund ta veshtojme secili nga ne,lexova ne nje artikull.

Mos respektimi yne drejt natyres,,,,,,,,,,,,,,,,????

Ne e kemi bere balte me Natyren , Efekti Sere do vazhdoje te sjelle anomali , cdo peme qe presim, dhe ate makine qe ndezim per 500 m rruge ndikojme negativisht .Dhe mendoj se ky muhabet me keq do shkoj se tani po industrializohet me shume India dhe Kina qe do te thote me shume fabrika me shume makina me shume ndrotje ambjenti dhe ngrohje globale

Parashikohej qe pas 100 Vjetesh New York -Hollande e disa qytete bregdetare sdo egzistojne me sepse cdo akullnaje qe shkrihet ne Antaktide ngre ne disa Cm nivelin e oqeaneve e deteve.

Koka ben Koka peson

Qindra vetë kanë gjetur vdekjen nga tërmeti më i fuqishëm që ka goditur Japoninë në 100 vjetët e fundit. Tërmeti shkaktoi dëme masive dhe mendohet se numri i të vdekurve është shumë më i lartë.

Shteti amerikan i Havait u godit nga valë cunami, si rezultat i tërmetit. Shumë nga qendrat turistike bregdetare në plazhin Waikiki u mbuluan nga dallgët. Ujë me lartësi deri në 1 metër u regjistrua në ishujt Oahu dhe Kauai, por nuk ka ende njoftime për dëme të mundshme.

Presidenti Obama, i lindur në Havai, përmes një deklarate shprehu ngushëllimet e tij në adresë të familjeve të afektuara në Japoni dhe ka udhëzuar Agjencinë Federale të Menazhimit të Emergjencave që të ndihmojnë banorët e Havait dhe territoreve të tjera amerikane në Paqësor.

Japonia, e cila ndodhej më pranë epiqendrës së tërmetit, po përpiqet të përllogarisë tani dëmet në njerëz e materiale. Ekipet e specializuara po përpiqen të shuajnë zjarret që shpërthyen nga tronditjet sizmike, ndërkohë që ka pasur masa emergjente në objektet bërthamore të vendit për të parandaluar rrjedhje radioaktive.

Paralajmërimet për cunami u përhapën në gjithë rajonin e Paqësorit deri në Amerikën e Jugut, Kanada, Alaskë dhe në gjithë bregdetin perëndimor të Shteteve të Bashkuara.
Tërmeti me forcë 8.9 ballë u pasua nga më shumë se 50 tronditje sizmiologjike në orë, shumica e tyre me magnitudë mbi 6.0 ballë.
Dhjetra qytete dhe fshatra përgjatë bregdetit prej 2 mijë e 100 kilometrash u tronditën nga drishjet e fs

ej zot na ruj :lutjee:

Japoni, 215 mijë të shpërngulur
12/03/2011 08:00

215 mijë persona janë evakuar nga shtëpitë e tyre në zonat më të dëmtuara të Japonisë, nga frika se tërmetet e tjera mund të shkaktojnë tsunami të rinj apo si pasojë e dëmtimit strukturor të banesave ku jetojnë.

Ndërkohë, një operacion gjigant kërkim shpërthimi ka nisur në zonat e goditura një ditë më parë prej tërmetit të shtatë më të fuqishëm të njohur në historinë e njerëzimit.

Sipas mediave ndërkombëtare, mbetet veçanërisht shqetësuese situata në centralin bërthamor të Fukujamës, ku dëmtimet në reaktor ende nuk janë riparuar.

Autoritetet shpallën pak pas tërmetit gjendjen e emergjencës në të pestë centralët bërthamorë të vendit, por në Fukujama sistemi i ftohjes së reaktorit është dëmtuar.

Sipas analistëve, mbinxehja mund të shkaktojë shpërthimin e reaktorit, diçka që ka ndodhur edhe më parë në Çernobil në vitin 1986.

Pavarësisht tsunamit dhjetë metra dhe forcës së tërmetit, dëmet janë të vogla në krahasim me forcën e tërmetit, duke nënvizuar edhe një herë aftësitë e shkëlqyera inxhinjerike të Japonisë.

Aktualisht, bilanci zyrtar i viktimave është mbi 1 000 persona dhe ai mund të rritet, por përsëri do të mbetet shumë larg tërmetit më vdekjeprurës së historisë, atij të 27 qershorit 1976 në provincën Tangshan në Kinë, ku 650 mijë njerëz u vranë.

Në vitin 2009, mbi 200 mijë persona mbetën të vrarë kur një tërmet 1 000 herë më pak i fuqishëm në intensiet goditi Haitin.