Shkon në 78 numri i viktimave të tërmetit

nga Li12i-GG ARMY Sat 27 Feb 2010 - 6:17

Santiago, 27 shkurt – “Tërmeti ishte vërtetë i tmerrshëm. Dëmet më të mëdha janë në Conspcion, qytetin e dytë më të madh në Kil dhe afër epiqendrës së tërmetit të fuqishëm prej 8.8 ballë të Rihterit. Komunikimet ndërmjet këtij qyteti dhe kryeqytetit Santiago janë ndërprerë. Në këtë moment numri i përgjithshëm i viktimave të konfirmuara ka arritur në 78”, tha për edicionin on-line të Veçernji listit, Carlos Mladiniq Alonso, me prejardhje kroate, sekretar i kabinetit të ministrit të Brendshëm të Kilit me telefon blackberry rreth orës 13 2 30 minuta të shtunën.

Pas tërmetit të parë tejet të fuqishëm që ra pak para orës 4 të mëngjesit sipas kohës lokale, u shënuan edhe tri dridhje tjera me fuqi më të vogël - 6,9, 6,2 dhe 5,9 ballë sipas Rihterit.

Cunami që u shkaktua nga dridhja shumë e fuqishme goditi ishullin Juan Fernandez. Valët e oqeanit ishin të lara deri në tre metra. Raportohet për dëme të dukshme materiale, por nuk ka të dhëna për viktima. Në rrjedhë e sipër është evakuimi i banorëve të Ishllit të Krishtlindjeve, që së shpejti mund të goditet nga cunami. Njerëzit po ikin kryesisht nga bregdeti për në pjesë më të larta të ishullit.

Aksion i ngjashëm po zhvillohet edhe në Hawaii, i cili po ashtu mund goditet nga cunami.