Mendes: Martesa është e mërzitshme dhe arkaike

Los Angeles, 27 prill - Aktoren amerikane me origjinë kubaneze, Eva Mendes, vështirë se dikush do të arrijë ta dërgojë në altar, pasi bukuroshja 37-vjeçare me vite ik nga martesa.
Aktorja ka ndërprerë vitin e kaluar lidhjen tetëvjeçare me regjisorin peruan, Giorgio Augusto me të cilin, siç thotë, kurrë nuk ka menduar të martohet edhe pse ishte shumë e dashuruar.
“Martesa është e panevojshme, vetëm kjo shoqëri e bën shumë të rëndësishme. Për mua ky është një veprim arkaik, i parëndësishëm dhe i shëmtuar. Dhe ajo që është më e rëndësishme – martesa është shumë e mërzitshme”, ka thënë Mendes për mediet amerikane.
Ajo ka shtuar se “fëmijët nuk janë për mua. Më pëlqejnë ato krijesa të ëmbla të vogla, por më shumë preferoj ëndrrën time të gjatë. Unë jam person që kujdesem shumë për gjithçka”.

epo mos u marto atehere kur ke ket mendim per martesen