Mamurras, grabitet argjendaria

Dy persona me maskë grabitën të martën me armë një argjendari në Mamurras.
Shitësja e dyqanit, Tixhe Ajazi, ishte ajo që dëshmoi se kanë qenë 2 persona të maskuar dhe të pajisur me automatik ata që kanë kryer grabitjen duke vjedhur një sasi të konsiderueshme bizhuterish, raportoi Ora News.
Mësohet se grabitësit janë larguar në drejtim të paditur, ndërsa vlera e bizhuterive të grabitura është ende e paqartë.
Forcat e Policisë mbërritën menjëherë në vendgjarje dhe nisën punën për identifikimin e grabitësve dhe zbardhjen e rrethanave të ngjarjes.
E njëjta argjendari është grabitur edhe shtatë muaj më parë.