Lushnje, grabitet një familje në Cermë

nga Vizitor Tue 4 Jan 2011 - 5:07

150 milionë lekë i janë grabitur një familjeje në fshatin Cermë e Sipërme në Lushnje. Ngjarja ndodhi në orën 21 të së hënës.

Grabitësit kanë detyruar familjarët të dalin nga banesa, duke i vënë flakën dy automjeteve që ishin në pronësi të tyre.

Banorët lanë shtëpinë në përpjekje për të shpëtuar automjetet, ndërsa grabitësit kanë hyrë në banesë, kanë rrëmbyer një kasafortë dhe janë larguar me shpejtësi.

Sipas kryefamiljarit, në kasafortë ndodheshin 150 milionë lekë.

Policia gjeti në vendin e ngjarjes dy automjetet e djegura dhe në një distancë prej 500 metrash nga banesa edhe kasafortën artizanale prej llamarine, të hapur me mjete të forta.