Pesë gjerat që duhet t’i ketë çdo femër

Moda është kalimtare, prandaj është me rëndësi që të blihet me mençuri. Sa herë ju ka ndodhur që diçka që keni blerë sezonin e kaluar, këtë vit as që mund ta shikoni? Pikërisht për këtë, ju sjellim pesë gjërat me të cilat nuk do të gaboni, ndërsa mund t’i vishni në mënyra të ndryshme dhe në çfarëdo evenimentesh.
Xhinset klasike
Secila femër në dollapin e saj fsheh së paku një palë xhinse. Nëse jeni admiruese e trendeve dhe preferoni modele të ngushta ose të gjera, mendoni pak më mirë dhe blini një palë xhinse me qepje klasike, të cilat janë ideale për çfarëdo eventi dhe për të gjitha trupat e femrave. Xhinset e tilla komode përshtaten për dukje zyrtare, elegante apo dukje seksi, ndërsa mund t’i kombinoni me take të larta, atlete ose sandale të rrafshëta.


Çantë pëlhure
E bartin tinejxheret, ndjekëset e trendeve dhe nënat, ndërsa është shtesë e përsosur e modës, e cila edhe kombinimit më të thjeshtë mund t’i japë freski dhe ta ngrejë në nivel më të lartë të modës. Njëngjyrëshe ose shumëngjyrëshe, të vogël ose të madhe, me çantën e pëlhurës nuk mund të gaboni.


Rripi i hollë
Nëse ende nuk e keni blerë, doemos duhet t’i siguroni vetes një shtesë të tillë mode, në çfarëdo ngjyre, sepse rripi i hollë ‘shpëton jetë’. Ky detaj i vogël mund që këmishën e gjerë ose tunikën ta shndërrojë në veshje seksi, ose thjeshtë të vendoset mbi një fustan të shkurtë. Por ekziston një rregull: Rripin kapeni një vrimë më gjerë sesa duhet, pasi që ai duhet ta përshkojë në mënyrë komode dhe të përshtatshme belin tuaj.


Tunika – fustan
Kjo veshje, e cila vjen me ngjyra dhe materiale të llojllojshme, u përshtatet të gjitha tipave të femrave, ndërsa mund të vishet në çfarëdo rasti. Ndërtojeni dukjen verore dhe visheni në plazh, plotësojeni me rrip të hollë rreth belit dhe visheni si fustan ose lëreni të lëshuar mbi xhinse. Me tunikën nuk mund të gaboni.


Këpucët me platforma
Edhe pse të gjitha fermat i admirojnë taket, kjo nuk do të thotë se atyre u pëlqen që t’i mbajnë ato. Nëse dëshironi ta zgjatni figurën, më mirë zgjidhni platforma komode me të cilat është shumë më lehtë të ecni, madje edhe të vraponi. Përveçse janë hit i sezonit, platformat pritet të dominojnë edhe gjatë vjeshtës, edhe atë në formë të këpucëve dhe çizmeve. Për ato që nuk i duan lartësitë, gjeni mini-platforma të cilat janë të larta vetëm 3-4 centimetra dhe janë shpëtim për shtyllën tuaj kurrizore.

Shum keshilla teper te vlefshme.