Emocionet e para të bukurosheve shqiptare në Brazil

nga **Medina** Fri 9 Sep 2011 - 22:19

Dje është mbajtur para finalja e spektalit të bukurisë “Miss Universe 2011”. Afërdita dhe Xhesika u prezantuan denjësisht në fazën e eliminimit.

86 vajza nga vende të ndryshme të botës kanë prezantuar shtetet e tyre në fazën e parë të eliminimit të garës së “Miss Universe” që po zhvillohet këtë vit në San Paulo të Brazilit.

Misset shqiptare Afërdita Dreshaj dhe Xhesika Berberi që po përfaqësojnë shtetet shqiptare i lanë përshtypje të mira publikut në sallë që nga hapat e parë kur ato shkelën skenën.

Në këtë fazë juria ka vlerësuar vajzat të cilat janë shfaqur në skenë me bikini dhe me fustane të mbrëmjes. Juria profesionale ka përzgjedhur në këtë fazë 9 finaliste, emrat e të cilëve do të behën të njohur në natën finale.

Në natën e madhe finale do të zgjedhën edhe 6 finaliste tjera. Një finaliste do të përzgjidhet nga votat e publikut në internet. Gjithsej 16 kandidate do të garojnë në natën finale për kurorën e Miss Universe 2011.

Mediat në Brazil dhe në shume vende tjera të botës kanë shkruar së Afërdita Dreshaj është një ndër favoritetet e këtij spektakli. Nata finale do të mbahet të hënen me 12 shtator