GNK: Në veri situata rrezikon të dalë jashtë kontrollit

PRISHTINE- Grupi Ndërkombëtar i Krizave vlerëson se “situata në veri është e tensionuar dhe rrezikon të dalë jashtë kontrollit”. Grupi gjithashtu konstaton se “situata në veri të Kosovës dhe mosmarreveshjet midis Kosovës dhe Serbisë nuk janë të asaj natyre që do të mund të zgjidheshin duke kënaqur tërësisht cilëndo palë”. “Çfarëdo që të jenë veprimet e menjëhershme që do të ndërmerren gjatë ditëve në vijim nga cilado palë, një zgjidhje afat-gjatë e krizës do të kërkojë më shumë përpjekje diplomatike dhe politike, që për synim do të kishin avancimin e interesave të të gjitha palëve”. Në këtë kuadër, është urgjente që Kosova, Serbia dhe miqtë e të dyja vendeve në komunitetin ndërkombëtar të ndërmarrin një sërë masash, si krijimin e një Fondi për Veriun, në të cilin do të grumbulloheshin të ardhurat nga doganat në veri dhe bisedimet për statusin e veriut, bazuar në parimin e tërësisë territoriale dhe autonominë e gjerë. BE-ja duhet t’ia japë Serbisë statusin e kandidatit, kurse Prishtinës t’ia ofrojë menjëherë udhëzuesin për liberalizimin e vizave, thuhet mes tjerash në rekomandimet e publikuara të premten nga grupi nderkombetar I krizave.
(s.g/NEWS24/BalkanWeb)