Grenlanda, ishulli i mbuluar 81 për qind në akull

Grenlanda është ishull me një sipërfaqe prej 2.166.086 kilometra katrorë, nga e cila 1.755.637 km² (apo 81% e sipërfaqes) është e mbuluar tërësisht me akull. Bregdeti ka një gjatësi 39.330 km, që është gati sa gjatësia e Ekuatorit.

Pesha e mbulesës së akullt në brendësi të ishullit ka krijuar kanjone rreth 300 metra nën nivelin e detit. Të gjitha vendbanimet janë përgjatë bregdetit, i cili nuk është i mbuluar me akull.

Më së shumti banorë jetojnë në bregdetin perëndimor. Territori në verilindje, i cili përfshin pjesët e Grenlandës Veriore dhe Grenlandës Lindore nuk është pjesë e asnjë njësie administrative, porse është vend ku gjendet parku më i madh nacional në botë.

Në pjesën qendrore të Grenlandës, e cila është e mbuluar me akull, gjenden më së paku katër stacione hulumtuese shkencore dhe kampe. Radiostacioni Jorgen Brondlund Fjord deri në vitin 1950 ka qenë radiostacioni më verior në botë.

Toka e Perit, gadishulli në pjesën veriore të Grenlandës, nuk është e mbuluar me akull për shkak se ajri është i thatë për t’u formuar mbulesa e borës. Nëse e tërë mbulesa e akullit shkrihet në Grenlandë, niveli i detit botëror do të rritej për 7 m dhe Grendlanda sigurisht do të shndërrohej në arkipelag.

Por edhe përkundër asaj se ky vend është i mbuluar me akull dhe atje mbretëron i ftohtë i madh, prapë ekziston një larmi kafshësh, ku ndër më interesantet janë ariu polar, dhelpra polare, fokat, e shumë të tjera. /zeri

Kjo qenka me keq se nje tornado.