Njeriu krijesë e përkryer!

nga **Darius** Wed 16 Nov 2011 - 22:05

• Kur dola nga burgu dhe u nisa drejt portës së lirisë, e dija se: nëse nuk do të lija pas urrejtjen dhe helmin...
edhe jashtë burgut do të isha përsëri i burgosur..!

• Njerëzit thonë se e duan shiun, por kur bie shi hapin çadrat.
Njerëzit thonë që e duan diellin, por kur ka diell kërkojnë hije.
Njerëzit thonë që e duan erën, por kur fryn era mbyllin dritaret.

Prandaj unë vetëm buzëqesh teksa i dëgjoj të më thonë që më duan.

• Njeriu është i madh vetëm atëhere kur e kupton që është shumë i vogël.

• Njeriu i madh e tregon madhështinë e tij në mënyrën se si sillet me njerëzit e vegjël!

• Mësuesi mediokër - tregon
Mësuesi i mirë - shpjegon
Mësuesi më i mirë - demostron
Mësuesi i shquar - frymëzon.

• Dysho më pak,
shpreso më shumë,
Ha më pak, përtyp më shumë,
rri më pak, merr frymë më shumë,
flit më pak, shpreh më shumë,
urrej më pak, duaj më shumë
dhe gjithë të mirat do të jenë tuat.

• Ta mprehim sharrën për çdo ditë:
- fizikisht, duke e mbajtur trupin tonë në formë;
- intelektualisht, duke mësuar vazhdimisht;
- emocionalisht, duke e kultivuar durimin, ndjeshmërinë dhe përgjegjësinë personale; dhe
- shpirtërisht, duke u lutur dhe medituar.

• Nëse ia ke mbushur mendjen vetes se gjithë te këqijat i ke prej te tjerëve, u ke vene vulën e përjetësisë këtyre te këqijave, sepse te tjerët nuk i ke ne dore. Por nëse ia faturon vetes tende nje pjese te përgjegjësisë, ky është fillimi i shpëtimit. Mesa duket, je ne gjendje ta ndryshosh veten.

• Secili është i shqetësuar për ndalimin e terrorizmit. Mirë pra, ka një shteg tepër të shkurtër: "Ndaloni se marri pjese ne 'te"

• Kur lexon për herë të parë një libër të mirë,
sikur ke fituar një mik të madh të shpirtit;
po ta rilexosh,
sikur je takuar përsëri me mikun e vjetër.
Kur mbaron së lexuari,
sikur ndahesh prej mikut me të cilin nuk e di nëse do të takohesh përsëri.

• Shpeshherë, loti është mënyra dhe forma me e mire për te shprehur atë çka ndjejmë brenda.

• Sikur bota e fjalëve të ishte aq e pasur sa gjuha e ndjenjave, jeta njerëzore do ishte shkatërruar.

• Shpirti është thyerësja e akujve te ndjenjave negative dhe loti është një metode qe ne shumicën e rasteve, nxjerr atë çka ne kemi brenda shpirtit.

• Bota mëshirëplotë dhe piktoreske e të verbërve të mirë ka marrë fund, tani është mbretëria e egër, mizore dhe e pamëshirshme e të verbërve. Sikur të shihje atë që shoh unë, do të dëshiroje të ishe i verbër.

• Unë dua t’ju jap një mesazh të vetëm dhe të thjesht:
Ajo ç'ka kërkoni është brenda jush.
Ulni volumin e zhurmës që vjen nga jasht, nëse doni të dëgjoni pëshpëritjen e brendshme.
Kuptoni që jeni ju burimi i gëzimit dhe i paqës në jetën tuaj....!

• Ndjenjat janë si trena të çmendur...
Vrapojnë mbi shina paralele, përjetësisht, afrohen, rënkojnë, ulurijnë e ndahen...
Për të thyer qafën diku tjetër përfundimisht...

• Jeta më mësoi se FJALËT janë të bukura, ndërsa VEPRIMET janë bindëse dhe se njeriu është krijesë e përkryer, por vetëm duhet të zbulojë këtë veti...

nga **Anakonda** Thu 2 Feb 2012 - 5:25

Aq te perkryer jemi ne njerezit saqe duam ti bejme keq njeri-tjetrit.

Njeriu krijesë e përkryer!

Njeriu krijesë e përkryer!

Re: Njeriu krijesë e përkryer!