Mendo por mendo pozitiv...

• Mendimet e fuqishme, nëpërmjet njeriut, sundojnë botën.

• Nuk ka asgjë në botë që të çarmatosë me shumë e me fort sesa mendimi që përmban mirësi.

• Mendimi pozitiv është mbret i gjithë botës, mendimi negativ është mbret vetëm i budallenjve.

• Mendimet janë si diamanti, aq sa është rëndë të gjenden, aq është rëndë të përpunohen.

• Njeriu nuk bëhet i lumtur duke arritur gjërat me vlerë, por duke arritur çfarë i dëshiron zemra.

• Të gjitha qeveritë në botë mbledhin tatime e bëjnë investime, por asnjë qeveri në botë nuk mund të mbjellë gëzime në zemrat e njerëzve si mendimi pozitiv.

• Thuhet: Njerëzit vdesin, përmendoret rrënohen, vetëm mendimet që ndërtojnë jetën e brezave jetojnë deri në amshim.

• Plaku tha: Mendja e fuqishme që ndjek qëllime praktike, është mendja më e mirë në botë.

• Përvoja tha: Kur të arrish në majë të bjeshkës, do të shohësh dhe do të bindesh se nuk paska qenë maja aq e lartë.

• Prandaj: kur pi ujë, mendo për burimin.

• Mos kini kurrë qëllim për të qenë diçka, në qoftë se nuk jeni më parë NJERI.

• Me lehtësi mund të arrihen sukseset në jashtësi; lehtë bëhesh Prof., Mr., Dr., Akademik, gjeneral apo boss i pasur, por vështirë, njëmend shumë vështirë, është të arrihet grada më e lartë në jetë: NJERI.

• Mendimi pozitiv është sikur dielli: gjithë natyrës i jep dritë e jetë dhe nuk krijon zhurmë.

• Mendimi pozitiv është sikur dielli: asgjë nuk rëndon, asgjë nuk lëndon dhe asgjë nuk rrënon.

• Dielli depërton edhe nëpër ujë e nëpër xham: as nuk stërpik, as nuk thyen gjë dhe, prapë, jep dritë e ngrohtësi.

• Ndaj dritës e ngrohtësisë së diellit nuk mund të ankohen as grykësit e pangopshëm: mund të marrin sa të duan, nuk harxhohet kurrë.

• Burimi i begatisë hyjnore, që nuk shteron kurrë, gjendet në shtratin e mendimit pozitiv.Nga ky shkak edhe kemi urdhërin nga Krijuesi i Gjithsisë:“ Mos i humb shpresat në mëshirën e Krijuesit Tënd“.

• Mendimi pozitiv është begati e pafund: mund të marrin të gjithë sa të duan dhe, prapë, kurrë fundi s’i shihet.

• …dhe kjo dhënie e marrje përsëritet çdo ditë, prej fillimit të botës e deri në amshim.

• Mendimi pozitiv është si fara: në një farë gjendet një mal i tërë me lisa.

• Të gjithë mund t’i numërojnë sa fara gjenden në një kokërr mollë, por cila është ajo mendje që mund të dijë sa molla gjenden në një farë të strukur në zemrën e mollës?

• Mësuesi tha: këtë enë të ndjeshme ti vazhdimisht e zbraz dhe pandërprerë e mbush me jetë të re,

• Shekujt kalojnë e ti edhe më tutje mbush dhe ende ka ku të mbushet…

• Dhe: derisa punon, ti je fyelli nëpërmjet zemrës së zbrazët të të cilit shushuritja e erës i shëndërrohet në muzikë.

• Mendimi pozitiv depërton nëpër tërë qenien e njeriut, sjell dritë, ngrohtësi, energji dhe kurrë nuk thyen, as nuk lëndon gjë.

• Ashtu si bleta që prodhon mjaltë çdo vit, ashtu si pjergulla që jep rrush çdo vit, edhe njeriu duhet të përsërisë vazhdimisht bamirësitë e tij.

• Mendimi pozitiv nuk shkakton ngopje, natë e ditë mbill mendime pozitive në qenien tënde dhe, prapë, do të kesh nevojë për mbjellje të reja.

• Mendimi pozitiv është fillimi i udhëtimit drejt QETËSISË.

cdo sekond mendo pozitiv mos shko asnjehere ne mendje negativen sepse do te prishesh humorin e dites..

Ngewla duke menduar ne menyre pozitive,por serish nderroj mendje dhe humbas ne mendimet e pafundme.