Kapet vrasësi, ekzekutoi kamerieren për një shishe birrë

nga Aяtємιѕα Sun 20 Nov 2011 - 6:22

Tiranë, 19 nëntor 2011, NOA- Policia e kryeqytetit ka vënë në pranga 29 vjeçarin Mirjan Dedja i shpallur në kërkim ndërkombëtar për vrasjen e kamerieres Agnesa Thomai në Elbasan.

Agnesa Thomai me banim në lagjen “5 Maji” të qytetit të Elbasanit, u qëllua me një plumb në pjesën e qafës nga një person që dyshohet se u grind me të për një shishe birrë. Sipas hetimeve paraprake dyshohet që i riu ka qenë nën ndikimin e alkoolit dhe është konfliktuar me kamarieren se ajo po i vononte birrën. Vajza ka marrë një plumb në qafë dhe si rrjedhojë e tij humbi jetën pasi plumbi i kishte prekur kockën e qafës ndërsa e reja ndërroi jetë në Spitalin Kirurgjik të Elbasanit.

Mirjan Dedja ishte dënuar nga Gjykata e Elbasanit me arrest me burg në mungesë.

a.y/NOA