Arvizu, vlerësim ndaj tre policëve shqiptarë

Tre punonjës të policisë së shtetit janë vlerësuar me çertifikatën e mirënjohjes nga ambasadori i SHBA-së në Tiranë, Aleksandër Arvizu, gjatë një ceremonie vlerësuese për zbatimin e përbashkët të platformës për edukimin dhe ndërgjegjësimin kundër drogës së nxënësve të shkollave 9-vjeçare në kryeqytet.

Me motivacionin për kontributin e dhënë në zbatimin me sukses të këtij programi u vlerësuan me çertifikatën e mirënjohjes Saimir Muçaj, drejtor i Policisë së Tiranes, Bedri Hasanbaj, shef seksioni i patrullës së përgjithshme dhe shefi i sektorit, Arben Nasufi. Të njëjtën çertikatë edhe drejtoresha e Drejtorisë Arsimore të Tiranes, zonja Arjana Bekteshi.

Ky program po realizohet ne shkollat e kryeqytetit ne mbeshtetje te programit “ICITAP”, ambasades së SHBA-së dhe gardes kombetare te shtetit te Nju Xhersit. Ambasadori Arvizu, gjate fjales se tij vleresoi bashkepunimin e shkollave me policine per sensibilizimin rreth rreziqeve te perdorimit të lëndëve narkotike.

Nderkohe, Ministri i Brendshem, Bujar Nishani tha ne fjalen e tij se ky rast eshte inkurajues, ndërsa shprehu kënaqësinë që në projekt, përveç strukturave shtetërore, janë përfshirë partnerë të rëndësishëm si Ambasada e Shteteve të Bashkuara.

Nga ana e tij, Ministri i Arsimit, Myqerem Tafaj deklaroi se lufta kunder perdorimit te narkotikeve nis pikerisht nga edukimi ne shkolla. Nepermjet policise se Tiranes dhe drejtorise arsimore te kryeqytetit eshte nenshkuar nje memorandum i dyte dhe eshte hartuar nje plan pune per vitin shkollor 2011- 2012, per programin edukativ qe shtrihet ne 40 shkolla nente-vjecare te kryeqytetit.