Rryshfet për vulat në pasaporta, pranga 2 policëve të Kakavijës

KAKAVIJE – Dy efektiva policie dhe një person i tretë u arrestuan në pikën e kalimit kufitar të Kakavijës.

Punonjësit e policisë Ylli Hoxha, 40 vjeç dhe Brisilda Biraçi, 24 vjeç u arrestuan me akuzën e shpërdorimit të detyrës.
Ata akuzohen se kanë vendosur vula në pasaportat e personave që kaloni kufirin përmes rryshfetit nga 600 deri në 800 euro.
Personi i tretë i arrestuar është shtetasi Spiro Cami, i cili shërbente si sekser i policëve për të hyrë në kontakt me qytetarët dhe për të marrë në dorëzi paratë duke kthyer pasaportat e vulosura.
Gjatë kontrollit në makinën e të arrestuarve është bërë e mundur të bllokohen nëntë pasaporta shqiptare dhe një sasi prej 1200 eurosh të përfituara nga aktiviteti korruptiv criminal.