Ambasada belge-Nishanit: Ka rënë numri i azilkërkuesve nga Shqipëria

nga **Durrsaku** Thu 24 Nov 2011 - 6:25

BELGJIKË- Ambasada Belge i ka dërguar sot një letër ministrit të Bredshëm Bujar Nishani, ku nëpërmjet saj konstaton një ulje të dukshme të azlkërkuesve nga Shqipëria.

Ndër të tjera në letrën dërguar ministrit Nishani nënvizohet se pas takimeve të zhvilluara në qershor dhe tetor të përfaqësuesve të lartë të Drejtorisë së Përgjithshme për të Huajt të Mbretërisë së Belgjikës dhe reagimit të autoriteteve shqiptare efikasiteti ëshët zhvilluar . Në pasqyrat grafike të azilkërkuesve nga Shqipëria , konstatohet qartë një rënie e pastër e numrit të azilkërkuesve.

Në letrën dërguar ministrit shqiptar Zyra e Bashkëpunimit Policor të Ambasadës së Mbretërisë së Belgjikës në Shqipëri falenderohen autoritetet shqiptare për përpjekjet e bëra për parandalimin dhe goditjen e dukurisë së azilkërkuesve.

“Falenderoj në veçanti autoritetet shqiptare për kundërveprimin në një situatë krize me azilkërkuesit. Situata të tilla ndodhin dhe mund të ndodhin kudo, por e rëndësishme është identifikimi i burimeve dhe veprimi konkret”,- thuhet në letrën e nënshkruar nga Nys Andre, këshilltari i ambasadës belge për çështjet e brendshme.
(el.me/BalkanWeb)