Greqi, rreth 20 000 njerëz flejnë në 'rrugët e dëshpërimit'

nga **Durrsaku** Sat 17 Dec 2011 - 23:24

ATHINE - Kriza e papunësisë, masat e kursimit dhe varfëria po rëndojnë gjithnjë e më shumë mbi qytetarët grekë. Dramatike është rritja e numrit të njerëzve që kanë mbetur pa një çati mbi kokat e tyre.

Gazeta greke “Ethnos” shkruan se 20 000 njerëz flenë në rrugë dhe në makina.

Këta janë të rinj që humbën punët e tyre apo punëtorë që u pushuan nga puna përpara se të arrinin moshën e pensionit.

Sipas gazetës, mijëra njerëz mbajnë radhë nëpër kuzhina për një pjatë ushqim dhe nuk kanë një strehë ku të fusin kokën.

“Jeta e tyre ka ndryshuar shumë shpejt kohët e fundit. Puna, shtëpia dhe miqtë u zhdukën, për shkak të mungesës së parave dhe tani ata i përkasin klasës së të varfërve që luten për një pjatë ushqim të nxehtë, dhe pastaj i futen një kërkimi të mundimshëm për të gjetur një punë”, thuhet nw reportazh.

Gazetari ka intervistuar edhe personazhe për rrëfimin e tij. Një ndër ta është 31 vjecari Gregori i cili është një ish-oficer i sigurisë dhe tashmë jeton në makinën e tij. Djali ka mbetur pa punë, nuk asnjë kontakt me familjen e tij, dhe thotë se dëshiron të jetojë duke u mbështetur në këmbët e veta me shpresën se një ditë do të gjejë dicka.

Gjithashtu një 49 vjecar, që ka punuar në sistemin e shëndetësisë, tashmë nuk ka punë dhe kërkon vetëm një dhomë për të fjetur.