Çfarë peshon më shumë tek ne shqiptarët, kombi apo feja ?

Çfarë peshon më shumë tek ne shqiptarët, kombi apo feja ?

Besoj se s'do të ketë patur ndonjë çast tjetër historik për shqiptarët si ky i sotmi, ku të peshohet për to me kandar raporti mes kombit dhe fesë, mes dashurisë ndaj asaj së cilës i lidh trashëgimia, gjaku, gjuha, historia e përbashkët e që quhet kombësi dhe mendje-animit të tyre ndaj përkatësive të tjera që quhen fetare. Në një Europë Juglindore ku kufiri midis kombit dhe fesë është jo vetëm i padukshëm por herë herë feja dhe kombi përzihen aq keq sa në vend të flasim për boshnjak të besimit mosleman, më e udhës është gjendur shprehja shtet mosleman për shtetin e krijuar pikërisht nga banorët e Bosnjës që i përkasin besimit islam. Më të paktë si numër, dy përbërësit e tjerë të popullsisë përbërëse të Bosnjës janë më shumë kroatë sesa katolikë apo më shumë serbë sesa të krishterë ortodoksë.
Nga ky dualitet nuk bën përjashtim as Greqia si shteti më i hershëm i Eurpës Juglindore që tashmë është pjestar i Bashkimit Europian. Gjer së fundi grekërve nuk u mjaftonte të ishin veç grek, ngaqë ata shënonin në pasaportë edhe përkatësinë fetare. Bile edhe raportet ndërmjet shteteve të Europës Juglindore në pjesën më të madhe të tyre janë ndërtuar në bazë të simpative fetare. Vetëm shqiptarët bëjnë përjashtim nga rregulli. Që nga Rilindja Kombëtare shqiptare e këndej nuk mund të gjejmë ndonjë çast historik (veç periudhës komuniste) ku shqiptarët të kenë vendosur ndjenjat fetare apo ideale të tjera mbi ato kombëtare. Të paktën, shqiptarët kanë qenë gjithmonë të ndërgjegjëshem për padrejtësitë e fuqive Europiane ndaj tyre dhe gjithmonë janë simpatizuar me shqiptarët që vendimet e të tjerëve i lanë jashtë kufijëve të shtetit kombëtar shqiptar.
Sot, kur ka ardhur çasti i krijimit të shtetit të dytë të shqiptarëve në Europën Juglindore (që do të riparonte një pjesë të padrejtësive të bëra ndaj kombit shqiptar), beteja është zhvendosur pikërisht tek raporti komb-fe. Shqiptarët nga ana e tyre theksojnë atë që është e vërtetë: faktin që ata në radhë të parë e mbi të gjitha janë shqiptarë para se të jenë moslemanë, apo të krishterë ortodoksë e katolikë. Por të interesuarit (bizantinët serbë, grekë, etj.) dhe të painteresuarit për pavarësinë e Kosovës duan me çdo kusht të dëgjojnë ose të theksojnë pikërisht të kundërtën: që shqiptarët janë moslemanë dhe me pavarësinë e Kosovës krijohet një shtet me mbi 90 % të popullsisë moslemane. Nënkuptimi, aty ku nuk shprehet hapur, është i qartë: "Amerikanë e Europinaë! Mos krijoni një shtet mosleman në zemër të Europës, një shtet feja e të cilit është në luftë me ju...". Shqiptarët shohin tek amerikanët aleatin e tyre të natyrshëm dhe amerikanët shohin tek shqipatrët kombin më pro-amerikan jo vetëm në Europë por ndoshta në të gjithë planetin. Propaganda serbe e greke mbi fantazmën e një shteti mosleman në Europë mund të ketë ndikimet e veta, prandaj edhe nuk duhet nënvletësuar. Pra lind pyetja se sa çdo shqiptar me veprimet e tij e ndihmon çështjen kombëtare. Fatmirësisht, bizantinët nuk arrijnë të gjejnë tek shqiptarët materialin e dëshiruar për të thënë ?Hej, shikoni shqiptarët janë po aq fanatikë sa ...le të themi moslemanët arabë...?.
Para disa kohësh bisedoja me miq shqiptare në Amerikë të Veriut rreth organizimit dhe përpjekjeve të shoqatave shqiptare për të bashkëpunuar me bashkësitë e tjera mike. Më thanë se ishte bërë një konferencë me bashkesinë hebreje në Toronto në Tetor 2005. Megjithatë, pati edhe disa shqiptarë që e kundërshtuan me "arsyetimin se hebrejtë janë duke iu bërë të këqinja moslemanëve të Palestinës"?! Më erdhi keq per këtë "arsyetim" dhe sigurisht nuk dua t'i hyj faktit se a kanë të drejtë hebrejtë apo arabët, sepse në rradhë të parë nevojitet të dihet korruposioni tepër i lartë në administratën palestineze dhe faktin që qeveria palestineze mbahet me paret e qeverisë së Izraelit, SHBA, etj. Edhe më keq, shqiptarët nuk kanë këllqe për të bërë paqe mes dy palëve. Por për të qenë i arsyeshëm, për të parë interesat tona shqiptare dhe vetëm tonat, një bashkëpunim i frytshëm me bashkësinë hebreje ka qenë gjithmonë i frytshëm dhe i dyanshëm. Prandaj krijmi i një kulture bashkëpunimi nga njerëzit e përshtatshëm që duhet të ngulitet në ndërgjegjet tona, gjithmonë duke i shërbyer interesit kombëtar, do mbetet një tregues i cilesisë së punës të shqiptarëve kudo që te ndodhen.
Askush nga shqiptarët ne nuk ka të drejtë të bëjë moral për çështje të tilla si ajo e besimit fetar, sepse i pari dhe mbi të gjitha është besimi e interesi kombëtar; sot e mot. Para disa kohësh Telekomi shqiptar u ble nga një kompani turke. Rastësisht më ra në dorë një gazetë , organ i një shoqate bamirëse. Gazeta në fjalë që në titull shprehte një entuziazëm ekstrem tepër të madh për shitjen e kompanisë shqiptare turqve. A thua ka kaq rëndësi fakti se blerësi është mosleman, ortodoks apo katolik?! ?far do i dallonte ato nga njëri tjetri? Mendoj se e para gjë që duhet të shikohet në këto raste është interesi i vetë shqiptarëve. Shqipëria është një vend jo-fetar dhe kjo jo vetëm në letra.

Kosova ndodhet ende në provë dhe pavarësisht nga raportet fetare, Kosova duhet të respektojë qytetarinë e banorëve të saj dhe të dijë të bëjë miq jo mbi baza fetare por mbi bazën e interesave të saj kombëtare. Udhëheqësit e sotëm shqiptarë duhet të vazhdojnë pa hezitim në këtë rrugë. Nuk ka pse të ketë hutime në këtë drejtim, sepse çdo veprim për të kënaqur egon e cekët e drejtuesve të dhënë pas përkatësisë fetare mund të dëmtojë interesat tona kombëtare. Prandaj iu takon vendim-marrësve shqiptarë që detyrimisht të veprojnë sipas interesave kombëtare ku përmblidhen interesat e të gjithëve dhe jo sipas interesave fetare qoftë edhe kur këto të fundit duken se gjoja përfaqësojnë një shumicë relative.

Ajet Nuro

feja ka filluar shume te ndikoj vitet e fundit,,,,si arabele mendoj qe duhet ditur se kur ka me rendesi te identifikohesh si mysliman apo katolik dhe kur si shqiptar,,,,per mua feja esh personale ,,shpirterore ,,me nevojitet mua,,,,kombesia esh dicka qe e mbaj me vete kudo qe vete,,,

"kombesia esh dicka qe e mbaj me vete kudo qe vete,,,"
kjo thenie e arabeles e ka dhene pergjigjen qe mbas kesaj sdo kish tjeter sa por fene cdo njeri eshte krenar per fene qe i perket

Tek shumica e e njerzve sa kam ven re un Peshon me shum Kombi,o te pakten keshtu e thon me krenarin qe kan duan te tregojn se me shum Ka Peshe Kombi se sa feja...n'varet sa jan te Lidhur me fen-besimet e tyre ,njeru i jep vlere asaj qe ndjen.

Krenohen vec ....eshte zbehur vlera e patriotizmit sot nga shumica...Ka e perjashtime nuk them....Per mua mendoj se per nje pakice peshon kombi edhe pse per fene po shoh te ndodhin shume polemika te kota e po mundohen (fete) te imponojne tek njerezit se feja eshte me e rendesishme se kombi...

PS:Nje teme e njejte kam pershtypjen se eshte hapur ne forum me pare!

Kombi

Edhe feja ndikon shume ne shoqerine tone,ndikon me shume tek ata qe jaNE me te vjetren dhe nuk lejojne te ndodhe dashuria vetem se jane fete te ndryshme.