Dehja gjatë fundjavës, e rrezikshme për jetë!

nga Aяtємιѕα Tue 14 Feb 2012 - 7:46

Studimi ka zgjatur 10 vjet dhe është bërë në rreth 1.000 meshkuj të moshës nga 50 deri 59 vjet. Konsumimi i sasive të mëdha të alkoolit gjatë fundjavës, gati e dyfishon rrezikun nga vdekja e shkaktuar nga sulmet kardiovaskulare, në raport me konsumimin e alkoolit gjatë tërë javës, kanë treguar rezultatet e studimit krahasues të botuar në Francë dhe Irlandë. Studimi ka zgjatur 10 vjet dhe është bërë në rreth 1.000 meshkuj të moshës nga 50 deri 59 vjet, në tri qytete franceze - Lille, Strasburg dhe Tuluz, si dhe në qytetin irlandez Belfast. Në fillim të studimit, në vitin 1991, ishte konstatuar se pjesëmarrësit në studim nuk kishin pasur më parë sëmundje të zemrës. Kërkuesit shkencorë kanë deklaruar se, në Francë, konsumimi i alkoolit bëhet gjatë tërë javës, derisa në Irlandë për këtë shfrytëzohet kryesisht e shtuna, gjë që është parë se ka veprim shumë të dëmshëm në zemër. Një ndikim shtesë në shëndet mund të ketë të bëjë edhe me faktin se në Francë, në mesin e pijeve alkoolike, mbretëron vena, derisa në mesin e banorëve të Belfastit birra dhe pijet e forta alkoolike. Konsumimi i pijeve alkoolike, sipas shkencëtarëve, shkakton edhe sëmundje të tjera vdekjeprurëse dhe të rrezikshme për shëndet, sikur që është cirroza e mëlçisë, pankreatiti kronik dhe shumë lloje të kancerit.