Pse pëlqehet Adele, shkencëtarët zbulojnë sekretin e këngëve të saj

nga Aяtємιѕα Wed 15 Feb 2012 - 8:03

Londër, 15 shkurt, 2012, NOA - Zëri më i mirë britanik i momentit është ai i këngëtares Adele. Këngëtarja u vlerësua javën e fundit me 6 çmime Grammy dhe këngët që e kanë bërë atë një ikonë të gjithë brezave janë “Someone Like You” dhe “Rolling In The Deep”. “Someone Like You” është një këngë që mjaft fansa i ka bërë të përloten teksa e dëgjojnë.

Por çfarë e bënë kaq të veçantë këtë këngë që trondit vajzat dhe meshkujt derisa ndonjë herë i bënë të lotojnë. Shkencëtarët duket se kanë një përgjigje. Kombinimi i notave muzikore dhe zërit të këngëtares krijon një gjendje të veçantë emocionale që sjellë dhe lotët tek dëgjuesit. Deri këtu nuk ka asgjë të veçantë, sepse çdo këngë sjell një gjendje të veçantë emocionale, por psikologu britanik John Sloboda thotë se në këngën e Adele ka shumë nota dhe momente muzikore që kanë tingëllim të veçantë tek dëgjuesit.

Ai ka bërë një ekspertimet me disa vajza dhe djemtë dhe u ka vënë të dëgjojnë disa herë rresht këngët. Në këngën “Someone Like You” ai ka regjistruar rreth 18 momente ku ndjenjat e dëgjuesit arrijnë nivelin maksimal. Fenomeni njihet në gjuhën muzikore si ornament dhe nënkupton ndryshimin në mënyrë të papritur, gati kontradiktore, të një note muzikore, duke u luajtur atë më lartë, ose shumë më poshtë vijës melodike. Kjo llojë “loje” me notat i jep më shumë mundësi shprehje muzikës dhe këngëtares. Sipas studiuesve, këngët e Adele kanë shumë nuanca të tilla të cilat me zërin e saj kanë sukses. Ndërsa “Someone Like You” është ajo që mban rekord. Kënga nis më vijë melodike të butë dhe më përsëritje të qeta, më pas këngëtarja niset dhe frenon disa herë ndërrimin e ritmit. Kur është momenti që kënga duhet të vazhdojë në kor, Adele ngre zërin një oktavë më lartë duke e bërë dhe më dramatike këngën. Ky “ornamente” sipas studiuesve janë dhe pika më e fortë.

Ndërsa një grup neuroshkencëtarësh në Londër kanë analizuar ndikimin emocional dhe efektet që jep në sistemin nervor kjo këngë. Është tashme fakt se nëse jini i gëzuar, apo i ekzaltuar, nëse dëgjoni “Someone Like You”do të bëheni patjetër të trishtuar.