Beyonce u kthehet koncerteve në maj

Vetëm dy muaj më parë këngëtarja Beyonce lindi vajzën Blue Ivy Carter, dhe tashmë ka paralajmëruar tri koncerte kthyese për muajin maj në qytetin e Atlantas. Beyonce do të performojë kështu në hapjen e qendrës së re për relaksim dhe argëtim “Revel Resort”, më 25, 26 dhe 27 maj, raporton “NME”.

Tri paraqitjet në kompleksin e kazinosë së vlefshme 2.4 miliardë dollarë do të jenë koncertet e saja të para që nga gushti 2011, kur ajo u shfaq në Roseland Ballroom në New York, e cila është regjistruar në DVD-në "Live at Roseland".

Në fillim të këtij muaji Beyonce gjithashtu njoftoi se ka arritur marrëveshje për të marrë pjesë në filmin muzikal "One Hit Wonders", në regji të Ryan Murphy, autor i serisë "Glee". Këngëtarja e popullarizuar në ekranin e madh do të jetë së bashku me Cameron Diaz, Gwyneth Paltrow dhe Reese Witherspoon. Ndërsa biletat për koncertin e kthimit të këngëtares dhe bashkëshortes së reperit amerikan, Jay-Z do të dalin në shitje prej 6 prillit, ndërsa çmimi i tyre tani për tani nuk dihet.

mire sepse shum veta i ka marr malli per te,ndersa mua jo