Meshkujt pa mjekër janë më tërheqës për femrat

Mjekra lë përshtypjen e agresivitetit dhe e bën mashkullin më të vjetër. Edhe pse femrave nuk u pëlqen edhe aq, te meshkujt tjerë ajo nxit respekt dhe është simbol i burrërisë.

Meshkujt duken shumë më tërheqës me fytyrë të rruar se sa me mjekër, ka zbuluar hulumtimi i Universitetit kanadez Lethbridge, në më shumë se 200 femra. Mjekra në një mënyrë e bën mashkullin më të vjetër, ndërsa shton dhe përshtypjen e agresivitetit, shpjegojnë psikologët për Daily Mail.

Ata iu kanë treguar femrave fotografitë e 19 meshkujve pa mjekër dhe fotografitë me mjekër 6 javë të vjetër, të parregulluar. Shumica e femrave me nota shumë më të larta ka vlerësuar tërheqjen e mashkullit në fotografi ku nuk kanë pasur mjekër. Megjithatë, femrave iu pëlqen pamja e mashkullit me mjekër treditore. Për dallim nga femrat, mjekra te meshkujt tjerë ka efekt më të favorshëm, është sinjal i burrërisë, respektit dhe autoritetit.

Megjithatë, të dy gjinitë kanë vërtetuar që meshkujt të cilët kanë mjekër duken më të fuqishëm dhe më të suksesshëm. Shkencëtarët deri tani kanë pasur teori të ndryshme për atë se pse meshkujve iu rritet mjekra, nga mbrojtja e lëkurës delikate të fytyrës nga dielli deri te mbrojtja e eshtrave të mjekrës nga goditjet me shuplaka.

Disa shkencëtarë konsiderojnë që mjekra mund të jetë tregues i imunitetit të fortë, çka mbështet teoritë evolucionare që parazitët të cilët transmetojnë sëmundje banojnë në mes qimeve të njerëzve, ndërsa ata që mund të “rrisin” mjekrën pa u sëmurë, janë ekstra të shëndetshëm.

“Në hulumtim kanë marrë pjesë femrat nga Zelanda e Re dhe Samoa, kështu që mendimi mesatar i të dy kulturave ka treguar që femrat në përgjithësi nuk i tërheqin meshkujt me mjekër”, ka përfunduar udhëheqësi i studimit, Paul Vasey.

jan me te bukur,me te vertete