Historia Itali-Shqiperi, ne nje liber

“Ura Itali-Shqipëri, mes Bashkimit Europian dhe Ballkanit” është titulli i librit që do të prezantohet nesër, ora 11.00, në sallën “Nënë Tereza”, pranë Pallatit të Kulturës në Tiranë në praninë e autorëve Giuseppe Fera dhe Nicola Simone, prefekte në pension.
Libri, botuar nga “Giappichelli”, pas një përshkrimi të shkurtër të historisë së Shqipërisë që nis me vdekjen e diktatorit Hoxha dhe raportet mes Shqipërisë dhe Italisë përgjatë shekujve, përqendrohet në përshkrimin e fazave të ndërtimit të sistemit demokratik në vend dhe zhvillimit të bashkëpunimit të policisë italo-shqiptare në fushën e sigurisë dhe luftës kundër krimit. Libri shtrin horizontet në të gjithë Ballkanin për të veçuar, në pjesën e tretë të tij, hapësira të reja strategjike për bashkëpunimin e policisë. Të dy autorët japin edhe sugjerime se si ky bashkëpunim në të ardhmen mund të përforcohet. Vepra përmbyllet me disa shënime të Giuseppe Fera-s dhe me një kontribut të Nicola Simone-s dedikuar “Imazhit dhe mirëfunksionimit të Misionit Policor italian Interforze” i drejtuar nga vetë ai në vitet 1997-2001. Prezantimi i librit organizohet nga Ambasada Italiane në Tiranë, Policia e Shtetit Shqiptar dhe Instituti Italian i Kulturës në bashkëpunim me shoqatën “Occhio Blu”. Ky prezantim, ku do të jenë të ftuara personalitete italiane dhe shqiptare, përkon edhe me 15-vjetorin e themelimit të misionit policor italian “Interforze”.

interesante...........

DIKTATORET akoma nuk kane vdek ne SHQIPERI ..
kemi kete DIKTATORIN TJETER TANI ,,SALI BERISHEN ?????