Muaji i Evropës, aktivitete në 100-vjetorin e Pavarësisë

Në këtë vit jubile për Shqipërinë, Bashkimi Europian ka vendosur të mos ketë vetëm një javë kushtuar unionit, por një muaj të tërë kur shqiptarët të njihen me kulturën europiane.

Ambasadori i BE-së në Tiranë, Ettore Sequi, ka bërë publike axhendën e ngjeshur të aktiviteteve që do të organizohen nga ambasadat e vendeve anëtare të Bashkimit Evropian në Tiranë, në bashkëpunim me autoritetet shqiptare dhe shoqërinë civile.

“Me rastin e 100-vjetorit të Pavarësisë së Shqipërisë është vendosur që të mos ketë një javë për Europën, por një muaj të tërë. Gjatë muajit maj, do të konsultojmë dhe do të diskutojmë për disa vlera që janë të rëndësishme për ju dhe për Bashkimin Europian. Ajo që kërkojmë të bëjmë është jo të krijojmë koalicion mes shtetesh, por të bashkojmë njerëzit”,- tha Sequi.

Në kuadër të muajit të Europës, do hapet qendra e informacionit për biznesin. I tërë muaji është i mbushur me veprimtari kulturore, sociale dhe politike, të cilat përqendrohen kryesisht në historinë dhe vlerat kulturore të Bashkimit Evropian, marrëdhënien e BE-së me Shqipërinë, si dhe zhvillimet e fundit në Evropë dhe Shqipëri.

e vertete shpresoj te na dalin shum bukur