Clinton në Shqipëri, Berisha: Ngjarja më e rëndësishme në 100-vjetorin e Pavarësisë

TIRANE - Për kryeministrin Berisha, vizita e sekretares amerikane Clinton në Shqipëri, është ngjarja më e rëndësishme në kremtimet e 100-vjetorit të pavarësisë së Shqipërisë.

“Lajmi i vizitës së Sekretares së Shtetit Hillary Clinton, mikes së shquar të Shqipërisë dhe kombit shqiptar, me ftesë të Kryeministrit Berisha, ka gëzuar shumë të gjithë shqiptarët.”- thekon kryeministri Berisha.

Siç bën të ditur zyra e shtypit e kryeministrisë, shefi i qeverisë shqiptare duke i uruar mirëseardhjen Sekretares së Shtetit, Hillary Clinton, thekson se “kjo vizitë është dëshmi e marrëdhënieve të shkëlqyera që ekzistojnë midis dy vendeve dhe kombeve tona, ndjenjave të ngrohta e miqësore dhe respektit që sekretarja Clinton dhe qeveria e Shteteve të Bashkuara ushqejnë për shqiptarët si dhe mbështetjes së çmuar që i kanë dhënë dhe i japin në mënyrë të vazhdueshme Shqipërisë dhe kombit shqiptar në përpjekjet për ndërtimin e demokracisë së bazuar në vlerat e tregut.”

Kryeministri Berisha thekson se vizita e Sekretares Clinton në kuadrin e 100-vjetorit të pavarësisë së Shqipërisë, është një nder i madh por dhe një rast i veçantë për qytetarët dhe autoritetet e vendit tonë, për të shprehur edhe njëherë mirënjohjen më të thellë ndaj mbështetjes se jashtëzakonshme dhe rolit kryesor që SHBA kanë luajtur këto 100 vite, në përpjekjet e shqiptarëve për liri, dinjitet kombëtar dhe për integrim në institucionet euro-atlantike dhe evropiane.

(er.nu/BalkanWeb)

"Atij berishes me i thon se shqipria ka pasur gjera me trendesishme ne historin e saj jo vetem vizita e asaj amerikones fomshme