Disa akullnaja aziatike po rriten

Disa nga akullnajat në zinxhirin malor Karakoram në Azi po trashen pavarësisht ngrohjes globale të planetit, thonë hulumtuesit.

Ekipi i hulumtuesve francezë me ndihmën e fotografive satelitore ka përfunduar që akullnajat në zinxhirin malor Karakoram, në perëndim të Himalajeve, janë duke shtuar masën e tyre, transmeton BBC.

Arsyeja nuk është e njohur ende, sepse akullnajat në pjesë tjera të Himalajeve dhe pjesën tjetër të botës po e humbin masën.

Edhe pse shpesh konsiderohet pjesë e Himalajeve, Karakorum është zinxhir i ndarë malor në të cilin gjendet edhe K2, maja e dytë më e madhe në botë.

Shkencëtarët kanë krahasuar dy modele të lartësisë së tokës të fituara me incizimet satelitore nga vitet 1998 dhe 2008. Është konkluduar që akullnajat janë rritur.

“Ende nuk i dimë arsyet e rritjes së masës së akullnajave. Besojmë që bëhet fjalë për kushtet specifike klimaterike rreth Karakorumit, sepse testimet meteorologjike kanë treguar rritjen e të reshurave dimërore”, ka deklaruar Julie Gardelle, udhëheqëse e hulumtimit.

ndryshimi i klimes;mesa duket po ndodh ngrohja globale