Rreth në grunishtë para tërmetit e zënies së Diellit në Itali

Braqan, 14 qershor – Në qytezën Braqan të Italisë, në muajin e shkuar u shfaq një rreth misterioz në një grunishtë, para se të ndodhte zënia e Diellit, bën të ditur “Discovery News”.

Spiralen rrethore në fushën me grurë e kishte vënë re një grua, të cilën e kishte zgjuar tërmeti më 20 maj.

Rrethi ka tërhequr vëmendjen e “cereologëve”, ekspertëve të vetëquajtur për këso dukurish.

Disa sish konsiderojnë se ky rreth me gjurmë spirale nuk është shfaqur rastësisht pikërisht në kohën e errësimit (eklipsit) dhe se simbolikisht paraqet procesin e zënies dhe të lëvizjes së Diellit e të Tokës.

Por, zënia e paradokohshme nuk ka mundur të shihet në Itali, as në pjesën tjetër të Europës.

Rrathët misteriozë kohë pas kohe shfaqen nëpër livadhe, në fushat me grurë, misërishte, në fushat me thekër anembanë botës, por më së shpeshti në Angli.

Shumë prej tyre janë të bërë me aq saktësi dhe me hollësi, prandaj shumëkush konsideron se ato nuk janë vepër e njeriut, por e “vizitorëve nga gjithësia”./koha/

thash se mos u shfaq rrethi i iluminatit