Humbja e virgjërisë në moshë të madhe, rezulton me probleme shëndetësore

nga **Anakonda** Fri 22 Jun 2012 - 0:09

Studimet më të fundit tregojnë se marrëdhëniet seksuale me vonesë çojnë
në probleme shëndetësore. Tani ekspertët këshillojnë se nuk është e
nevojshme të presësh shumë gjatë për të patur marrëdhënien e parë
seksuale. Studimi hedh poshtë të gjitha studimet e mëparshme të cilat
tregonin se marrëdhëniet seksuale të hershme ishin me probleme.

Humbja me vonesë e virgjërisë lidhet me mosfunksionimin seksual gjatë jetës.
Ata
që e humbin virgjërinë midis moshës 21 deri në 23 vjeç tentojnë të kenë
më shumë probleme seksuale më vonë kur martohen. Studimi është bërë nga
Universiteti i Kolumbisë dhe qendra HIV.

Meshkujt që humbin
virgjërinë në moshën 20 vjeçare, kanë probleme në eksperiencën e tyre
seksuale në martesë, e cila përfshin vështirësi në ereksion si dhe në
arritjen e orgazmës.

Studimet e bëra më parë kanë dalë në
konkluzionin se adoleshentët të cilët bënin seks që në moshë të vogël
kishin probleme me sëmundjet seksualisht të trasmetueshme. Kjo pasi
shumicën e herëve seksi vinte pas influencës së alkoolit apo dhe drogës.
Ata ishin më të rrezikuar nga SIDA apo STI.

“Por sot, ne shohim
shumë individë të cilët martohen me vonesë dhe s’kanë pasur marrëdhënie
seksuale të mëparshme, se kanë vështirësi në arritjen e kënaqësisë
seksuale” – thotë Eli Coleman, ekspert në shëndetin seksual në
Universitetin e Minnesotas. ‘Vajzat e mira’ të cilat duhet të forcojnë veten për të mos patur
marrëdhënie seksuale deri në martese përfundojnë shpesh në çrregullime
seksuale në jetën e mëvonshme bashkëshortore.

“Një nga
çrregullimet është se këto vajza nuk dinë çfarë duan, nuk dinë dëshirat e
tyre dhe për më keq ato kërkojnë dhunë për të arritur në orgazëm” –
thotë Coleman.

“Kur virgjëria humbet me vonesë hyjnë në lojë
faktorët psikologjikë të cilët e ndrydhin njeriun dhe e çojnë në
marrëdhënie seksuale të vakta, me efekte negative që zgjasin gjithë
jetën” – tha Patti Britton, president në American Association of
Sexuality Educators.

“Marrëdhënia seksuale është komplekse dhe momenti i martesës nuk është e thënë të sjelli magji”.

“Në
vend që ti këshillojmë të rinjtë që të mos bëjnë marrëdhënie seksuale
deri në martesë, e mira do ishte ti këshillonim të bëjnë seks të
sigurtë, të kërkojnë intimitet dhe një marrëdhënie të shëndetshme”- tha Coleman.