Zyrtar lokal, neonazisti grek perdhunon shqiptaren e mitur

Klodiana Kotorri
Nje zyrtar grek i cili njihet edhe si neonazist - anetar i partise neonaziste Agimi i Arte - u denoncua dhe u arrestua nen akuzen se ka perdhunuar nje 15-vjecare shqiptare, e cila ka mbetur shtatzene. Familjaret e te mitures denoncuan 45-vjecarin, nepunes i nje institucioni shteteror ne Athine. Ai u arrestua nga policia per akuzen e kryerjes se marredhenieve seksuale me dhune me te mitura, por u lirua nga gjykata, pasi vuri garanci 30 mije euro. Zyrtari grek ka mohuar akuzen e perdhunimit, duke deklaruar para policise se akti seksual ishte kryer me deshiren e vajzes. Prinderit e vajzes 15-vjecare, te cilet jetojne ne Greqi prej rreth 20 vitesh, i thane policise greke se 45-vjecari u kishte bere presionin duke i kercenuar qe te mos denonconin ngjarjen ne polici. Zyrtari grek, i martuar dhe me tre femije, dyshohet se ka perdhunuar te mituren shqiptare pak muaj me pare. Ai e kishte pare vajzen kur kishte shkuar per inspektim ne nje nga shkollat ne rikonstruksion e siper ne veri te Athines. Pikerisht ne shkollen qe ai inspektoi ishte nxenese e mitura shqiptare, te ciles ai i propozoi qe te punonte me kohe te pjesshme tek zyra e tij qe ndodhet prane shkolles se saj. Gjate kesaj kohe dyshohet se ai e ka detyruar vajzen me dhune te kryeje marredhenie seksuale me te. Nderkohe qe pak dite me pare, prinderit kane derguar te mituren per nje vizite mjekesore ku zbuluan se ajo ishte shtatzene. Menjehere prinderit i kerkuan asaj te tregoje gjithcka qe kishte ndodhur. Vajza nuk ka mbajtur te fshehte agresorin duke treguar se 45-vjecari e kishte perdhunuar dhe per t'i mbajtur gojen te mbyllur ai i kishte dhene asaj 100 euro. Pas deshmise se vajzes se tyre, prinderit kerkuan zyrtarin grek, i cili fillimisht u tha se e mitura kishte pasur raport seksual me nje nga djemte e tij, 20-vjecar, por deklarata e vajzes ne polici zbuloi se perdhunuesi ishte vete 45-vjecari. Policia greke kreu menjehere arrestimin e zyrtarit grek, i cili mohoi akuzen e perdhunimit, ndersa u shpreh se kishte kryer marredhenie seksuale me deshiren e te mitures, gje e cila perben vepren penale. Nderkohe qe diten e djeshme me kerkese te prokurorise, gjykata liroi te dyshuarin, pasi i kerkuan nje garanci prej 30 mije eurosh, ndersa procedimi ndaj tij do te vijoje ne gjendje te lire.