Kur duhet të fillojnë të lexojnë fëmijët

Leximi të ndihmon të rritesh dhe kurrë nuk është herët për t‘i dashur
librat. Që në muajin e gjashtë të lindjes, një fëmijë fillon të ketë
interes për librat, mjafton të jenë të mbushur me figura. Në moshën
1-vjeçare këshillohen përrallat e ilustruara me figura. Të dashur
prindër, librat duhen lexuar së bashku me fëmijët!

Nuk duhet t‘i
lini të vegjlit para televizorit duke parë filma vizatimorë. Ato që e
shtyjnë fëmijën t‘i dojë figurat, rimën, librin, janë prindërit. Kjo
është edhe një mundësi që prindërit t‘u qëndrojnë pranë fëmijëve, të
kujdesen për ta. Në këtë mënyrë, fëmijët do të mësojnë t‘i duan librat,
sepse i duan shumë prindërit e tyre”, shpjegon një pediatër.

Kur
duhet që një fëmijë të fillojë t‘i lexojë librat me përralla? Rreth
moshës 5-vjeçare. Përrallat duhet të jenë në formë më të thjeshtuar.
Kush duhet t‘i lexojë përrallat, nëna apo babai? Do të ishte mirë që t‘i
lexonin bashkë, sepse në këtë mënyrë krijohet një moment magjik, i cili
më pas shndërrohet në një ritual dhe nuk ka rëndësi nëse zgjat vetëm
një minutë.

“Të thuash që të lexuarit nuk ndihmon zhvillimin
intelektual, është një banalitet”, thotë një docente psikologjie në
Universitetin e Parmës.

“Studimet e viteve ‘60 kanë treguar se
lexuesit e hershëm zhvillojnë një leksik më të mirë dhe kanë një progres
njohës më të shpejtë”, shtoi ajo.

Cuni dhe goca vogel qe ne moshen 4 vjecare lexonin dhe mesonin vjershat permendesh...madje e vogla 5 vjece me shkruante letra dhe mi hidhte poshte deres ke dhoma gjumit...dhe me e bukura me bente kartolina ne kompiuter me MW qe i kam ruajtur te gjitha...
Pergjithesisht femijet inteligjente lexojne heret...dhe u ben mjaft mire.