Si të edukohet fëmija?

Fëmija juaj është i pasjellshëm, përdor fjalë të papërshtatshme, nuk di
si të sillet dhe nuk ia ka idenë e respektit. Televizioni ndikon në
formimin e karakterit të fëmijëve. Por edhe sjellja dhe mënyra e të
folurit e luan një rol të rëndësishëm në edukimin e tyre.

Respektin e shohin te prindërit

Fëmijët në fillim respektin e
shohin te prindërit. Ankesa më e shpeshtë e familjeve bëhet rreth
sjelljeve të pahijshme të fëmijëve. Fëmijët nuk tregohen fare të
kujdesshëm në mënyrën e të ulurit, të folurit pranë të rriturve.

Ulen
këmbë mbi këmbë para të rriturve, flasin haptazi dhe grinden në mënyrën
më të turpshme. Padyshim se televizioni dhe ambientin janë faktorë të
rëndësishëm në krijimin e situatave të tilla te fëmijët.

Sjelljet
e kundërta me respektin, mirësjelljen, etikën dhe kulturën të shfaqura
në seri të ndryshme televizive nxisin më shumë sjelljet e pahijshme dhe
zgjedhjen e një modeli shembull nga fëmijët. Përdorimi i një metode të
gabuar i nënës dhe babait rreth temës së respektit shkakton një
shmangie, largim të fëmijëve.

Fjalët fyese ndikojnë negativishtFjalët fyese dhe ofenduese të përdorura nga nëna apo babai gjatë
diskutimit me njëri-tjetrin ndikojnë negativisht te fëmijët. Edhe pse
prindi nuk e kupton, në atë çast fëmija ndikohet jashtë mase nga ato
fjalë. Fillon të sillet në të njëjtën mënyrë edhe me moshatarët e tij.

Në
shumicën e rasteve fëmijët që nuk janë të sjellshëm ndaj të tjerëve nuk
kanë respekt as për veten e tyre. Sa më shumë sjellje të hijshme dhe
fjalë të mira të ketë brenda familjes aq më shumë pritet që fëmijë të
jetë i edukuar dhe i sjellshëm.

Fëmija i cili ushqen ndjenjën e
respektit ndaj të rriturve, mbron të tjerët, nuk dëmton ambientin ku
jeton as materialisht as moralisht, mund të përkufizohet si një fëmijë i
edukuar.