Rindërtimi i tingujve përmes imazhit ringjall regjistrimin më të vjetër

Teknologjia moderne, sipas të gjitha gjasave, mund të ketë arritur të ringjallë regjistrimin më të vjetër të botës në një disk gramafoni, duke u nisur nga një foto e shtypur në një revistë që i përket vitit 1890.
Studiuesit në Universitetin e Indianës, në fakt, kanë përdorur një sistem të kompjuterizuar për skanuar imazhin e një disku gramafoni, duke përdorur më pas një softuer të veçantë për rindërtimin e tingullit që ai mund të ketë prodhuar.

Siç thuhet në një deklaratë të universitetit, regjistrimi i në fjalë i takon pikërisht ‘babait’ të gramafonit, shpikësit gjerman Emile Berliner, i cili në regjistrimin në fjalë, që mendohet të jetë unik dhe i pari, me zë të ulët lexon një baladë të shkrimtarit klasik gjerman Shiler.

Sipas studiuesve, për ta ka qenë një surprizë shumë e bukur kur janë ndeshur me studimin e parë në botë për regjistrimit në gramafon, i botuar në një revistë shumë të vjetër në një bibliotekë. Kjo, pasi edhe më parë, përmes programeve të specializuara kompjuterike, ata kishin arritur të rindërtoni tingujt duke u nisur nga imazhi i disqeve dhe ky ishte një moment për të mos u humbur. Në rastin konkret flitet për diçka me të vërtetë të veçantë, pasi siç shprehen kërkuesit, ka shumë mundësi që të bëhet fjalë për regjistrimin e parë në histori përmes gramafonit.
29 qershor 2012 (gazeta-Shqip.com)

interesante kjo lol