'Kufiri detar po i shitet ne fshehtesi Greqise. Nishani, nderhy!'

“Kryeministri i vendit, Berisha,
në fshehtësi të plotë po mundohet të përfundojë një marrëveshje të re me
shtetin fqinj për ndarjen e kufirit detar, pa u nxjerrë ende
përgjegjësia përkatëse ligjore apo penale për negociatorët e
marrëveshjes së mëparshme për kufirin detar në kanalin e Korfuzit.”, ka
nisur deklaratën për shtyp nënkryetari i grupit parlamentar në PS,
Saimir Tahiri.

Duke vazhduar me akuzat se ‘në një kohë kur Sali
Berisha nga njëra anë dërdëllit gjithë ditën për imunitetin dhe nga ana
tjetër grabit institucionet kushtetuese dhe sistemin e drejtësisë,
vazhdon një errësirë e plotë pa kurrfarë transparence, të hedhi hapat e
parë drejt një marrëveshjeje tjetër për kufirin mes Shqipërisë dhe
Greqisë’.

Tahiri i kërkoi në emër të PS-së, Presidentit të
Republikës, Bujar Nishani që të përjashtojë të gjithë ata persona që u
përfshinë në negocimin e marrëveshjes së parë, e cila u rrëzua
unanimisht nga Gjykata Kushtetuese.

Tahiri nënvizoi faktin që
Kryeministri nuk po respekton institucionet kushtetuese, ashtu siç
veproi edhe me emërimin e Elvis Cefës në KLD dhe SHIK-sit të Gazidedes,
Visho Lika.

Nga ana tjetër, Partia Socialiste, kërkoi zbatimin e
vendimit të Gjykatës Kushtetuese si dhe përfshirjen e “ekspertëve të
pavarur, shoqërisë civile, specialistëve në vend dhe të huaj përkrah
grupit negociator të qeverisë, sepse vendi, toka, deti dhe sovraniteti
kombëtar nuk i përkasin qeverisë Berisha, por janë të popullit
shqiptar”.

e kufirin detar doni me na shit...si e vejn lekun para kombit kta qeveritart ton....edhe ket me bo e ne shqiptarve na mori lumi