Aksident tragjik, makina përplas për vdekje nënën dhe të bijën 1-vjeçare

nga **WebMaster** Wed 5 Sep 2012 - 23:54

KAVAJE – Një aksident tragjik, me pasojë dy të vdekur,
ka ndodhur mesditën e sotme në aksin rrugor Durrës-Kavajë, në afërsi të
Golemit.

Një 26-vjeçare u përplas për vdekje nga një automjet,
teksa në duar kishte edhe foshnjën e saj vetëm 1 vjeç. Përplasja ka qenë
fatale si për nënën e re, ashtu edhe për fëmijën.

Policia bëri
të ditur se Violeta Metani, me foshnjën në krah, tentoi të kalonte në
anën tjetër të rrugës, duke i dalë përpara një automjeti me targa
angleze LF54KDK , që udhëtonte me shpejtësi.

Mësohet se
drejtuesi i mjetit, Latif Tola 40 vjeç nga Durrësi, është shoqëruar në
polici, ndërkohë që autoritetet vijojnë hetimet për zbardhjen e plotë të
ngjarjes.

(er.nu/BalkanWeb)