Zbardhimi i dhembeve me Laser

nga gorgona Sat 31 Oct 2009 - 6:32

Dy faktorë kanë ndikim në perceptimin e bukurisë së fytyrës janë kualiteti i pjesëve të fytyrës (flokët, veshët, sytë, hunda, nofulla,goja dhëmbët etj) si dhe pozita dhe forma e pjesëve të fytyrës. Kualiteti pjesëve të fytyrës ka një ndikim të dukshëm në perceptimin e të bukurisë. Kualiteti i flokëve, syve, qerpikëve,buzëve, gingivës (mishi i dhëmbëve) dhe dhëmbëve ka rëndësi primare për njëfytyrë të bukur.Tek ne sa i përket të gjitha të lartpërmendurave,i jepet kujdes i mjaftueshëm përveç gingivës dhe dhëmbëve. Frizura, procedurat kozmetike, kontakt lenset që ndryshojnë ngjyrën e syve e të tjera të gjitha modifikojnë dhe përmirësojnë pamjen e pjesëve të fytyrës por gjëja e parë që bie në sy kur bisedojmë me dikë janë dhëmbët dhe goja. Mund të keni frizurë të bukur, por ajo nuk do të vërehet nëse keni dhëmbë të prishur dhe të palarë.Buzëqeshja është një nga vetitë më të çmuara që njeriu ka. Është gjëja e parë që të tjerët e vërejnë dhe fokusohen kur ju flisni. Buzëqeshja reflekton personalitetin dhe shëndetin tuaj. Jeta është shumë e shkurtër që ta jetoni me buzëqeshje dhe dhëmbë të prishur. Me zhvillimin e teknologjisë përveç që është lehtësuar shërimi i dhëmbëve me më pak stres kemi edhe aparatura të reja që bëjnë zbardhjen e dhëmbëve me efektivitet të lartë dhe shumë shpejtë. Një nga të arriturat e fundit të teknologjisë dentare është edhe LASERI për zbardhje të dhëmbëve.
Me zbardhje me laser stomatologu aplikon solucionin ose gelin në bazë të peroksidit të hidrogjenit dhe pastaj vepron me laser dhe fillon procedura e zbardhjes. Në SHBA përqindja e personave që ndahen të kënaqur pas
aplikimit është deri në 93%, kurse për rezultatet afatgjata, kjo varet prej individit duke u bazuar në shprehitë sikur janë përdorimi i duhanit, kafesë, çajit, pijeve të gazuara me ngjyrë si dhe higjiena e përditshme orale. Nëse jeni të kujdesshëm për dhëmbët tuaj dhe keni shprehinë e vizitës sistematike e
dentisti, atëherë rezultatet e zbardhjes me laser mund të kenë efekt prej 1 deri në 2 vjet.Me këtë proces nuk ka nevojë që më të bëni zbardhje të dhëmbëve në shtëpi dhe të bëni ekstra harxhime për pasta dhe materiale të
tjera për zbardhje. Laser zbardhja është e sigurt dhe nuk shkakton asnjë dëmtim të zmaltit të dhëmbëve. Kjo sepse, siç u cek më lartë përbërësi kryesor është peroksid hidrogjeni, i cili është përdorur me vite nga stomatologët.Përparësitë: Efekti i zbardhjes me laser zgjatë më shumë se cila do metodë tjetër e zbardhjes. Zgjat më shkurt (tek ne vetëm 8 min) prej 10 deri 60 minuta dhe nuk ka nevojë për procedurë tjetër pas zbardhjes.

Proces i sigurt

Zbardhja e dhëmbëve me laser sot është procedura më e sigurt pasi që është vërtetuar dhe testuar se nuk shkakton asnjë dëm as zmaltit e as dentinës ose strukturave tjera të dhëmbit dhe gojës.

Pa dhimbje

Është një procedurë shumë e thjeshtë për pacientin. Nuk përdoret kurrfarë anestezioni pasi që nuk ka kurrfarë dhimbje por ndodh te disa pacientë që të kenë ndjesi minore varësisht prej gjendjes së dhëmbëve të tyre.Tretmanin me laser mund ta bëjë çdokush, i cili dëshiron që të ketë dhëmbë më të bardhë dhe më të pastër, por duhet të vizitoni stomatologun para tretmanit që të shohë gjendjen e dhëmbëve tuaj dhe pastaj stomatologu do të ju udhëzoj për procedurat e mëtutjeshme.

Sa zbardhen dhëmbët?

Zbardhja e dhëmbëve me laser ka arritur rezultatet me të mira se cilado metodë tjetër deri më tani. Në të shumtën e rasteve zbardhja do të shkojë për 5 deri 10 hije më e bardhë.

Për sa kohë mbesin dhëmbët e bardhë?

Sa mbesin dhëmbët e bardhë varet nga individi. Konsumimi i duhanit, kafesë, verës së kuqe si dhe mosmbajtja e higjienës orale shpejtojnë procesin e errësimit të ngjyrës së dhëmbëve tuaj. Nëse keni kujdes atëherë zbardhja zgjatë së paku 1 vjet.

A mund të ndryshojë ngjyrën e kurorave të mbushjeve artificiale?

Është e pamundur që të zbardhen kurorat dhe mbushjet kompozit (pllombat e bardha) por mund të largohen pigmentimet nga to. Tani edhe në Kosovë kemi mundësinë e aplikimit të laserit për zbardhje dhe atë për vetëm 8 minuta.