Drogë dhe seks në lokalet e Tiranës

TIRANE- Rreth 30% e adoleshentëve të kryeqytetit kryejnë marrëdhënie
seksuale nëpër pub-e. Shifra tronditëse vjen nga një studim i realizuar
nga disa mjekë në 5 nga gjimnazet e Tiranës.

Studimi u fokusua kryesisht në vitet e treta dhe të katërta të këtyre
gjimnazeve dhe sigurisht pyetësori ishte në formë anonime. Një e dhënë
tjetër interesante që del nga ky studim është se 70% e të anketuarve
kryejnë marrëdhënie seksuale të nxitur nga shokët apo shoqet e tyre,
ndërkohë që pjesa tjetër deklaroi se kishin kryer marrëdhënie seksuale
me dëshirën e tyre.

Mimoza Keta, mjeke obstetre-gjinekologe në spitalin universitar për
obstetrikë dhe gjinekologji "Koço Gliozheni", pjesëmarrëse në këtë
studim, bën të ditur se kryesisht vajzat kryenin marrëdhënie seksuale me
moshatarë të tyre, ndërsa për meshkujt interesantja është se ata
parapëlqenin vajza 1-2 vjet më të mëdha. Një tjetër pyetje që u përfshi
në pyetësor ishte edhe problemi i emigracionit, sepse emigracioni mbetet
një faktor risku tek moshat e hershme, por edhe ato të rritura për
infeksionet seksualisht të transmetueshme.

Mjekja shpjegon se vajzat tërhiqen nga emigrantë sepse mendojnë se ata
jetojnë mirë, bukur pa ditur sesi mund të jetë vërtet emigracioni. "Një e
dhënë shumë interesante ishte që edhe emigracioni ishte një faktor
risku shumë i lartë sepse rreth 18% e adoleshentëve deklaruan se kishin
realizuar marrëdhënie seksuale me emigrantë",- thotë Keta.

(e.m/BalkanWeb)

E mi Klea po nuk esht vetem tirana moj ashtu;edhe ktu tek un qe esht vendi vogel kta budalliqe behen(mka ik truri kur pash nje shoqe klase)si nuk e kuptojn kta trinjte e sotshem.....se droga e seksi sjellin smunjen e shekullit(hivin)....