Kushtet e BE, afat deri më 20 nëntor!

nga **WebMaster** Wed 17 Oct 2012 - 5:49

Ministrja e Integrimit deklaron se pas 20 nëntorit nuk kemi më shanse për statusin.

Ruçi: Bregu, agjitatore e mirë, të marr sekretare në PS.

Kryetari
i Grupit të Partisë Socialiste, Gramoz Ruçi, deklaroi dje gjatë
mbledhjes së Komisionit të Integrimit se, nëse ministrja e Integrimit
Majlinda Bregu do të kishte qenë në PS, atëherë me siguri do ta zgjidhte
në një funksion sekretareje. Deklarata e Ruçit erdhi pas raportimit të
ministres së Integrimit para deputetëve për progres-raportin e BE-së dhe
tri kushtet e mbetura për të marrë statusin e vendit kandidat, që sipas
Bregut “topi mbetet në rrjetën e PS”. Por, kreu i Grupit të PS-së e
cilësoi Bregun si një komisare të mirë, një agjitatore dhe si partiake
të thekur të PD-së, që fajëson në çdo rast opozitën. “Kam një kritikë
dhe një kompliment. Kritika dhe komplimenti është se jeni një komisare
shumë e mirë. Je një agjitatore shumë e mirë, je një partiake e thekur.
Në qoftë se do të të kisha në partinë time, do të zgjidhja në funksion
sekretari. Zonjë e nderuar dhe në Parlament dhe këtu nuk mund të
integrohesh në Europë me fjalime që nga fillimi deri në fund anatemon
opozitën dhe shikon të keqen e vendit tek opozitarizmi”, deklaroi dje
kreu i Grupit të PS. Por ironisë së Ruçit, ministrja e Integrimit iu
përgjigj duke thënë se dhe etiketimet ishin bërë me termat e regjimit
komunist. “Komplimenti për komisare është pak pa vend tek unë ose, nëse
doni t’ua kthej po me kompliment, më lejoni t’ju them se po si një
komunist i vërtetë, i keni referencat po me komisarë. Unë nuk e kam
arritur kohën e komunizmit, unë nuk kam arritur kohën e komisarëve. Nëse
ju këtë e quani fatkeqësi, më vjen keq, po s’kam arritur ta kem këtë
nder kaq të madh që keni pasur ju”, iu përgjigj Bregu.

Zgjedhjet

Ministrja
e Integrimit deklaroi dje se tri kushtet e Komisionit Europian për
statusin e vendit kandidat duhet të miratohen deri më datë 20 nëntor, në
të kundërt, Këshilli i Ministrave të BE-së nuk ka shanse të japë dritën
jeshile për Shqipërinë. Bregu theksoi se gjithçka varet nga roli i
opozitës për të dhënë votën në Kuvend dhe se zgjedhjet e 2013-s janë si
një parakusht për çeljen e negociatave me Bashkimin Europian. Ministrja
tha se palët në zgjedhje e ardhshme duhet të pranojnë rezultatin në
mënyrë që të përmirësohet imazhi i vendit, ndryshe nga zgjedhjet e
shkuara. Por për Gramoz Ruçin, opozita nuk është thjesht numër, por
duhet vlerësuar për kontributin e dhënë për përmirësimin e
legjislacionit. “Kur bota flet për krizë, ne flasim për sukses ekonomik
dhe model që herë e nxjerrim veten pas Gjermanisë dhe herë pas Kinës. Në
KiE shkon Kryeministri dhe thotë se kriza e Europës dhe Banka Botërore e
BERZH janë Sudja që ne kaluam në ’96-n. Ky është turpi i Shqipërisë, ky
është imazhi i Shqipërisë që dëmtohet. Prandaj dhe i prihet fjala atje
Kryeministrit në Këshillin e Europës, rast unikal në KiE, aq më tepër që
kemi dhe Presidencën e radhës”, tha Ruçi.

nga **Anakonda** Sat 3 Nov 2012 - 18:48

"Ishalla po i bejn ma edhe kta ato gjerat qe duhen qe te futemi ne be sepse na acaruan me gjith be"

Kushtet e BE, afat deri më 20 nëntor!

Kushtet e BE, afat deri më 20 nëntor!

Re: Kushtet e BE, afat deri më 20 nëntor!