Vrasja e kryekomisarit, ja biseda midis Tahirajt dhe Xhakes

TIRANË- Prokuroria e Krimeve të Rënda ka paraqitur në gjykatë dosjen për gjykim ndaj të pandehurit Ilir Xhakja i akuzuar për vrasjen e kryekomisarit të Shijakut, Adem Tahiraj pasditen e 13 shtatorit. Në dosjen për gjykim shkruhet se ndaj Ilir Xhakjes rëndojnë katër akuza ajo e “Vrasjes në rrethana të tjera cilësuese” ndaj punonjësit të policisë Adem Tahiraj, vrasjes së mbetur në tentativë ndaj shtetases Lena Noka, “Kundërshtimit të punonjësit të Policisë së rendit publik” dhe “Mbajtjes pa leje të armëve luftarake”.

Dosja përshkruan në detaje gjithë ngjarjen e rëndë të asaj dite ku u ezkekutua në krye të detyrës kryekomisari i Shijakut. “Gjithcka ndodhi rreth orës 17:00 ku 5 efektive policie së Shijakut me 3 automjete u urdhëruan të kryejnë patrullime në qytet dhe rrethina nën drejtimin e Shefit të Komisariatit. Pas konfliktit fillimisht me shtetasin Ledio Krasniqi afrohet me një automjet tip Regina Ilir Xhakja, person me precedentë të shumtë kriminalë. Shefi i Komisariatit Adem Tahiraj e pyeti personin kush ishte dhe çfarë kërkonte. Xhakja reagoi menjëherë në mënyrë të dhunshme dhe nxorri pistoletën nga brezi, mundi të vendosë dorën mbi supin e tij dhe qëlloi gjashtë herë rresht mbi trupin e Kryekomisarit.. Vdekja ishte e menjëhershme”, thuhet ndër të tjera në dosje.
(e.m/News24/BalkanWeb)